Hollywood a aminthang mahmah nih te kiteeng

Hollywood a aminthang mahmah nih te kiteeng

Holly wood a kineih khemsiam a minthang mahmah a hi, Brad Pitt kum50 leh Jolie kum39 te France gam ah nung Sep 23 ni in ki teng khinta uhhi. Tulai tak in tanu tapa guk tawh om khawm uhhi. Tua ma in Pitt in Star Jennifer Aniston tawh kiteen in kikhen uh a, Julie zong Kineihkhem siam, Jonh Lee Miller leh Billy Bob Thornton tawh kiteen in kikhen uhhi. 2005 kum in Mr & Mrs cih flim alak lai in kithei a kingai in omkhawm uhhi.

Hih bang in lawm kingaih in omkhawm uh a, ta zong neikhin April, 2012 ciang kum sagih khit ciang zuthawl (engagement) pia in kiteen ding ka vaihawn a uhhi ci in gen khia in, a gen zawh kumnih bang pha ding hita in, tu’n kiteng khin ta cih thu People magazine in gen khia hi.

Leitung lasiam a min thang, Worldcup ah zong lasasa ahi Shakila kum 37 leh Spain ballung sui siam ahi Gerard Pique kum 27 te 2010 S.Africa WC lai in kithei in kingai uh a, 2013 in tapa khat nei in, tu’n zong anihna ta ding paii lai a, ahih hang in kiteng nailo uhhi.

Hih bang mah in Kawlgam Khuapi te ahi Madalay leh Yangon ah zong ki ngai in omkhawm (living together) omta hi cihi. Ih zogam , gam 2 na gam thum na ah e leh Zomi te ih omtam maw?

Nidang lai in ih Zogam ah ih pu ih pa te in nu leh mawhna pen na pen deih hetlo in, amawh akhial te lawi li lawi giat na liau sak uhhi. Deihna pipen in si hen cihnop na hi cihi. A hang in ih zogam ah lawi na tam het lo in, zaanggam ah Kawlte khawisa guk sak hi kul hi cihi. Tulai khangthakte Khristian te hun ah e leh dawi bia pupa te hun lai sang in ihsuk zaw hiam?

Khualzin gamvak na ah nu le pa mawhna pen natang uh a, kamsia thei, dau pai lo ding ci in na ngaihsun lipkhap uhhi. Ih pu ih pate in lawm angaih uh ciang phualva bang it na nei in, phualva bang in ciampel lo uhhi. Tua ahih man in Zomi te pen nuthawi pathawi tawi mahmah hi ci uh hi.

Ih pu ih pa te pen LST tawh kituak a agamta te ahi uhhi. LST in sihna lo buan kua mah in khen kei hen cihi. Tua ahih man in akima sa numei pasal pen zi leh ta a lakpen numei pasal khempeuh tawh amawh hi na cihi. LST in Zi nei thuahthuak ding naphal lo in, ih pupa te in na phal hetlo hi. Pasian in nupa pen pumkhat sakhat hi ci hi (mate 19:4-6).

Pasian ii acil a hong gelsak ahi, zi khat bek neih leh siang tho kitengna pen ahoih pen hi ci in Dr. Scott Haltzman, Brown University in gen khia hi. Pasian deihna bang a kiteen na pen Pasian in zong thupha pia in, inn kuan nuam suak hi. Pasian thupha bek a lunggulh hilo Pasian deihna zong lunggulh huai zawk hi. Cin Ngaih Ref: The Star paper, Sign of the time july 2012.