American gammi khat Ebola lungno tawh US gam zuankik leuleu
American gammi khat Ebola virus kilawhkha ahih manin zatui zaha kibawlding in Atlanta, USA ah ki puakkik cih Associated Press te’n genkhia hi.
Hih Ebola natna a ngahpen Nancy Writebol kici numei khat hi a, Africa gamah Missionary nasem, Pasian thu tangko in azinkhia khat ahihi. Monday ni in Liberia pan US gam zuanin Medical Aircraft tawh lengkhia cihi.
SIM USA kici Christian Missionary pan Tuesday ni in Statement abawlna ah Ebola natna ngah Nancy Writebol pen noptuam a, ahih zongin damsiang hathat theilo cihi. A ta tegel ahi Jeremy leh Brian tezong US ah om uh a, anu kiangah hawhtheiding cihi. Ahi zongin apasal David Writebol pen Africa gam Liberia ah omlai a, anasep amantheih lianleh azikiang zuanin USA ah ciahding gelna nei cihzong SIM USA Organization President Bruce Johnson in genkhia hi.
Nancy Writebol pen leitung sumlehpai zongin Africa gam azin hilo a, Missionary in azinkhia ahih manin hibang natna a ngahkhak uhhang in anupa un lungkiatna in neihetlo uh a, alungsim uh kizo mahmah uhhi. Azi Ebola natna tawh Emergency in US gam akipuak hangin, apasal in a Missonary nasep zosiang nailo, vaithupi omlai ahih manin ciahtheinailo cilai hi. Mite adingin adeihsakna uh nasialua mahmah hi.
Ebola natna pen leitungbup in ki patau mahmahlai a, Africa gam azinkha peuhmah limtak in ki Check pah a, Africa minam tebang ki kihta simphialleh kilawm hi. ZD Sawltak #zomidaily
Comment piaknop aomleh...