US, Hawaii meimual puakkhapna hangin inn 26 val siakhinta

US, Hawaii meimual puakkhapna hangin inn 26 val siakhinta

USA, Hawaii aom Kilauea Volcano kici meimual pen huaisia semsem hi. Abeisa Weekend sungsangin suksiazaw semsem a, innbekbekzong akigawm in 26 bang ki siatlawhta cih Fox News pan kizakbeh hi.

Mipil misiam Scientists te’n agenna ah Kilauea Volcano panin vutsa “Lava” te kiphitkhia ziahziah a, meimual panin vandawn ah asanna Pi 200 Feet bang sangto in huihlak ah kiphitkhia ziahziah cihi.

Hih meimual buaina hangin mi 1700 te ki hemkhiakhin a, pawlkhat tepen aomna innpanin tawlpikhat aki hepsuaksuak uh kulkhading kici hi. Kamphatna tawh tuciangciang hih meimual buaina hangin asi aliam kuamah kizakha nailo bilbel hi.

U.S. Geological Survey volcanologist Wendy Stovall in agenna ah hih meimual pen Supply aomlaisiah apuakkham pen kizom suaksuaklai khading hi ci’n genkhia hi. Sawltak #zomidaily

Video: Lava erupting from Hawaii’s powerful Kilauea volcano has now destroyed at least 26 homes, more than double the previous figure, officials announced Sunday, citing grim findings from an aerial survey by the fire department.

US, Hawaii tuikulh ah meimual puakkham, mi 10,000 val ki hemkhiasak

The Big Island akici USA gam ii State khat ahi Hawaii tuikulh tungah Thursday ni in meimual puakkham ahih manin, kumpi thunei te’n mi 10,000 val aomna innciat panin ki hemkhiasak cih AFP pan kiza hi.

Tua apuakkham meimual pen Kilauea Volcano kici a, abeisa sungteng in zinling zelzel in, tuaciangin meimual apuakkham ahihi.

Hawaii Island ii nisuahnalam Leilani Estates sungteng ah aomkha tepen ki hepkhiatloh phamawh hamtang hi ci’n kumpi thunei Authorities Mandatory Evacuation Order pia uhhi.

Meimual apuakkhap ciangin vutsa “Lava” te 30 Meter valbangin kithehzakgawp ahih manin, lauhuai kisa in khuasung mipi te aki hemkhiasak hi ci’n Hawaii News Now te’n genkhia hi.

Hawaiian Volcano Observatory panin US Geological Survey panin thunei tezong meimual apuahkhapna ah akancian dingin kuankhia uh cihi.

Zingsanglam 10:30am hunin 5.0 Magnitude hatna tawh Puu Oo Volcano leitawlam ah zinling masa hi ci’n US Geological Survey te’n genkhia uhhi.

Sawtveipi asasuaklo Short-lived Ash vutsa pawlkhat vandawn ah ki thehkhia in, akhanglam ah aomte’n vutkhu, vuikhu thuakkha theiding uhhi ci’n USGS te’n zaksakna nei uhhi.

More: Philippines gamsung ah meimual puakkham, cimawh dongtuak mi 61,000 phakhin

Tua meimual apuakkhapna ageinai ah ateengkha Jeremiah Osuna kicipa in Drone vanlengneu tawh vutsa “Red-hot Lava” aki phitkhiat, apusuahkhiat laitak Video zaihkha in, Facebook tungah ki khahkhia hi. Sawltak #zomidaily