November 9, 2016 ni Zomi te ading vai thupi nih piang a, a khatna pen leitungbup ii lunglut mahmah US Election ah Donal Trumph in US Kumpi hong ngahna hi. A dang khat in Zogam Khuapi Hakha ah Myanmar Gambup Makaipi 2na U Myint Shwe in “Hakha College” hong sak cih thu ahi hi.
2016-2017 Laisin kum akipan Hakha, Htanlang, Falam uk-sung pan Tan 10 a ong Siamsin te in hih Collge ah Laitansang pilna sin ding uh hi a, Tedim le Tonzang pan a ong te pen Kalay University mah ah kikah thei lai ding hi.
Art & Science Major 8 te Kum 1na le Kum 2na ciang kisinsak ding a, Kum 3 na le Kum 4na te Kalay University ah kisinsak ding ci in Collge ah Rector a sem ding ahi Dr. Prof Dr. Aye Aye Ngun in Chin World te dotna ah gen hi.
Hih Hakha College pen abeisa U Thein Sein Kumpi hun sung in a kipia hi a, tu Kawlgam Kitelpi ni kum 1 cinni in akihong thei ahi hi.
Source:
1: Pu Pau Lun Min Thang FB/ Shin Tam via Chin World Page
2. ဟားခါးေကာလိပ္ ေက်ာင္းအုပ္ၾကီး ပါေမာကၡ ေဒါက္တာေအးေအးငြန္ႏွင့္ ေတြ႔ဆံုေမးျမန္းျခင္း by Salai Shing Mang, Chin World November 09, 2016
Credit: Zingsol FB Page pan kilasawn hi.
Comment piaknop aomleh...