Ha cidam nading bangci kepding?

Ha cidam nading bangci kepding?

Naupangte a ha uh amau leh amau akep theih na ding kalte (steps); Nikhat nihvei ha nawt ding. Zing an neek khit leh nitak lupma , ni khat nihveita nawt ding. A hih theih leh sun an neek khit leh a khum leh moh neng aneek khit sim un limtak in nawt leh hoih zaw lai hi.

A ha khempeuh uh nawt ding. Amai teng bek hi lo a sunglam a nung lam, apang dung suk teng zong limtak nawt ding hi. Ha siavuan pa in ong hilh bang in hani te a sia lo ding in nawt ding uh hi.

Minute nih pan thum sung peuh mah hanawt hun la ding uh hi. Timer, huntehna nai zang ding hoih pen hi. A hun ciapteh na na hih theih kei leh tua hun tawh ki tuak ding la khat honsak in la, tua a bei ma teng ha nawt sak in.

A ha nawtna te uh a (soft) a zangnelte hi ding hi. (US ah toothbrush na lei leh a tung ah soft ci in a ki gelh te bek lei in). (aham te in na ha leh hani sia sak ding hi; kei behlap). Nu te pa te in kha thum sim in hanawtna khat ta khek sak ding hi. Azangte a color ong ki khel leh zat nawn loh ding.

Na ha siavuan pa kiangah lungnodal kam khuahna (antibacterial mouth rinse) te bang nam zang ding cih dong in.

A ha te uh aneu uh a kipan in zatui tawh ki bawl khau te tawh hahsiang (floss) ding zia hilh in la, pantah in. Tua hi leh na ha leh na kam sung cidam ding hi. Ha kawm leh a phung te ah muan apiang thei dingte hih khiat dan hilh in. Floss na in, hanawtna in a hih khiat zawh loh kawmlak a teng kai khia hi.

A lei uh zong a nawt dan hilh in, tua hi leh kam uih bei ding hi.

Kum khat nih vei ha siavuan te tawh ki muh ding han ciam in.Ha siavuan te in, nangma hah siang sangin a siang zaw in ong hah sak ding uh hi. Plaque a kici habal te in, akhum ong ki guan ding ngaklah mahmah uh hi cih mangnilh kei in.

Singgah lehanteh tampi nek ding kisam a, soda sangin tuimah dawn zaw un. Na nuih ding mangngilh kei in. Kenneth H. Hirsch, DDS Date reviewed by July 15th2017 Zo Vontawi te ha te hoih ding deihsakna lianpi tawh, A suaksak: Dim Lun Zam