Hollywood pen “Hollyweed” tawh kumthakni kilaihsak sese
USA, Los Angeles khuasungmi pawlkhat te’n kumthakni in akhua in akipakpih mahmah “Hollywood” pen “Hollyweed’ tawh akilaihsaklam zingthawhphet in museisai uh a, lamdang savat mahmah cih Reuters pan kiza hi. Hollywood pen Movie sungleh Film & Television Hub tuamtuam ah ihzakzak ihmuhmuhsa mahbangin US gamsung California muandawn khatah aom ahihi.
Los Angeles Police Department te genna ah hih Hollywood laimal pen zingsang 3am hunpawl in puanvomtawh aki tuamcip pasal khatin “Hollyweed” cihtawh akibangding in abawl cihi. Ahi zongin tuapa pen kuacih kitheician zolo in, tua geikiimteng ah Police te’n kankawikawi uh cihi.
New Year nitawh kituak a, Tourists zong tampi himun ah khualzin in aomlaitak uh ahihi. Hollywood tawh Photo kilading in zingsang akuankhia Tourists pawlkhatin alamet uh Hollywood na omnawnlo in, Hollyweed tawh nakilaih ahih manin, lamdang kisavat mahmah hi.
YouTube Video Clip:
Ahi zongin thunei te’n Hollywood tawh laihkik uh a, zingsang 11:15am hunin laihsiangkik khin uh cihi. CCTV panin thunei te’n a etkik uhciang in hih laimal akhel pen mikhatbek in zankhatthu in akhelziau hihtuak hi. Ukdan atuamtuam hilodia maw… ZD Sawltak #zomidaily
Comment piaknop aomleh...