A theihhuai upna laang (No. 3) ~ Langh Khan Mung

A theihhuai upna laang (No. 3) ~ Langh Khan Mung

Tangpi theihna-ah prosperity gospel, health and wealth gospel, word of faith movement kici-a, neo-Pentecostal evangelical movements panin hong pai hi. A upna laimu-ah “Pasian in a mite hauhna, nopsakna, damna leh lungdamna hong pia nuam hi. Hih in a thungetna uh ah thu-um mite bulphuhin, a nopsakna dinguh thupisak hi. Pasian pen a um mite’ lunggulhnate a tangtunna dingin nasempa suaksak ahih manin, mihingte bek a laimu-ah a koih biakna- Religious anthropocentrism zong kici hi.

Hih upna pen hong pokhiatna a tam hangin New York a tuiphum pastor Esek William Kenyon (1867-1948) mah pupi-in kisang hi. Amah in upna’ vangliatna tawh (the power of faith) nate kikhelthei hi ci hi. Upna tawh-by faith hilo-in, upna’vangliatna tawh-through the power of faith cih a kilamdanna hi. Hih upna in hauhna, damna leh nopsakna-ah hong tun a, uplohna,upna kicinlohna in zawnna, damlohna leh haksatna, gentheihna-ah hong tun hi ci hi.

Hih upna pen word of faith makaipa kamsang Kenneth Hagin (1917-2003) panin zong hong pai hi. Amah in LSTho tangnih bulphuhin ” Na thungetnate ngah takpi ding cih na up leh no a hong hitakpi ding hi cih hilh hi. Marka 11:23

Upna na neih nak-uhleh hih mual kiangah, ‘Na omna panin paikhia-in tuipi sung kidenna in,’ ci le-uhcin, na lungsim sung uhah uplahna om loin na gen bangun piang taktak ding hi, ci-in na up nak-uhleh, na cih bangun hong piang ding hi. Marka 11:24

Tua ahih manin note kiangah kong genin-ah: Na khat peuhpeuh na nget uh ciangin ngah ding ci-in um un; tua hileh na nget peuhpeuh uh na ngah ding uh hi.

Upna in hih bangin ahih theihna dingin i kam ngiat tawh pulak ding(to declare) pelmawh hi ci hi.

Kenyon leh Hagin in media pen galhiamin zangh uh hi. Hagin nungzui Kenneth Copeland in ama TV program- Believer’s Voice of Victory panin hih upnate zelsak hi. Tuamah bangin New York Marble Collegiate Church a pastor Norman Vincent Peale (1889-1993) in hih upnate laibu gelha minthang mahmah hi. 1.”The Power of Positive Thinking”, 2.”You Can If You Think You Can”, 3.”A Guide to Confident Living”.

Hih upna asangte in media-te-ah, laibu gelhkhiatnate leh mipi tungah thugenna tuamtuam tawh mipi’tungah hong zelhkhia uh hi. Hihte-ah Oral Robert, Pat Robertson, Benny Hinn, Robert Tilton, Joel Osteen, Joyce Meyer te kihel hi. Nu Joyce Meyer in a TV Program-“Enjoying Everyday Life” in leitungmi 2/3 te kiangah pau 38 tawh thugenin kizelhsak hi. (zomlai ding) Langh Khan Mung