Malaysia, Kuala Kangsar ah Operasi 2 vei lut, mi 37 kiman, Myanmar zong kihel
Malaysia, Perak State sungah tuni Tuesday zingsangtung lamin Operasi lutin gamdangmi akigawm in mi 37 kiman cih Bernama pan kiza hi. Kuala Kangsar sungaom Construction Site ah Immigration thunei te’n nihveitak Operasi abawl uh hi a, akiman te lakah numei zong pawlkhat kihel uhhi.
Hihvai tawh kisai in thunei ahi Perak Immigration director Kamaluddin Ismail in agenna ah “Op Mega 2.0” cih min kivawh in zankim akipan nai 3 sung Operasi akibawl hi ci’n genkhia hi.
Amasa Operasi akibawlna ah Immigration Enforcement Personnel te’n Indonesia gammi numei 1, Indonesia gammi pasal 6, Bangladesh gammi pasal 1 leh Myanmar gammi 4 mankhia masa uhhi.
Video: A woman was among 37 illegal immigrants detained in two separate raids conducted at a construction site here early today
Anih veina Operasi abawlkik leuleu uhciangin akigawm in mi 30 thusitna nei uhhi. Tualak ah mi 25 tepen naseptheih nadingin Work Permit kician neilo uh ahih manin, kimansuak uhhi. Tua akiman tepen Indonesia gammi pasal 9 leh Bangladesh gammi 16 ahi uhhi.
More: Malaysia, Penang ah Operasi tamveipi kibawl in gamdangmi 78 kimansuak
Akimankhia gamdangmi tepen naseptheih nadingin Permit kician neilo, illegal in aom vive hi uh a, kum 30 leh kum 60 kikal vive ahihi. Tua akiman khempeuh “Regulation 39(b) of the Immigration Regulations 1963/39” cihleh “Section 6(1) of the immigration Act 1959/63” thukhun tetawh thu kibawlding cih kiza hi.
Akimankhia gamdangmi khempeuh Ipoh Immigration Office ah kipuak in, thusitna ki neihbehding cihi. Sawltak #zomidaily
Comment piaknop aomleh...