Zakhai te’ lamdanna ~ Pu Thangboi
1. Zakhai gam (Rakhine state) ah kawl la kihong vet lo.
– 2012 kum June ni 8 ni Zakhai gam buaina kipat khiatna mun lian ahi No. 1 police statation, Sittwe huang sung ah 2011 kum in hong kep lai un zan khat palik te’n mi khat nakvuak mahmah uh a, humham keei hi. Zingsang khuavak teh kalung nuamlo ahih man in ka va et leh amivuak pa uh na lehhen lai uh hi. Kei zong “Sanggam bang thu om ahia?” ci’n kadot khiankhian leh “Zan nitak kaveng vuah mi 1 in kawl la hongsa a kaheh suak in kava vuak leh palik na hi” hong ci hi.
– Zakhai gamdung gamvai ah khual kazin ngei a kawl la peuhmah hong vetlo uh hi. Amau’ la mah hong in sa tanghtangh uh hi.
– Kawl la tawh lasiam minthangte Zakhai gam ah stage show bawl in apai lam khawng uh kiza ngei hetlo pah hi.
2. Zakhai leh Kala kiteng lo
– Zakhai nungak hoihlo pen khat nangawn in Kala (mivom) te deih vetlo hi. Zakhai leh mivom kiteng khat zong omlo hi.
3. Zakhai Christian omlo
– Tuni dong Zakhai Christian leitungbup ah mi 10 pha nailo ding hi. Zakhai gam a Christian te pen Zakhai te hi peuhmah lo in Zomi gimnam vive ahi hi
4. Kawl mudahlo omlo
– Zakhai peuhmah kawl mudahlo omlo uh hi. Kawl te’n zong agenloh bek uh hi in leitungah Zakhaite mah mudah pen uh hi. Sittwe thong sung bang ah kawl galkap ataisim kiman a thongkia tam mahmah uh hi. Zakhai te khat peuh tawh akilai khak nak leh Zakhaite aneu alian in buak huan lian uh hi. “Kawlte vua ding” cih pen lawp mahmah mawk uh hi. Thong cing palikte zong Zakhaite vive mah ahih man in kawlte vua ahih nak leh maisak lel uh hi.
Suutding tampi omlai, Lungdam Mung Laan Thang (Zangkong)
Comment piaknop aomleh...