Ginthang leh Gintual lawmta holimna

Ginthang leh Gintual lawmta holimna

Ginthang: Tulai kumpi’n gamsung sumbawlna lam akhantoh nang gamdang tawh sumbawlna thukhun kician (FDI law) limtak aphuahphat kul hi. Tua ban ah meitha kicing (electricity) leh tuisiangthote mikimin gambup ah angah nading ageel loh pha mawh ban ah gamsungah akisam bulpi (infrastructure) teng manlangtak avaihawmkul hi. Tua hileh gamdang sumbawlte kipawlzot zo pan ding hi.

Tua bang teng ban ah gamsung gamvai akho kul (political stability) kisam hi. Tua teng dipdep khit teh gamdang company te ong lutngam tatak pan ding uh in gammita’ding nasep zon-olna (job opportunity) hong om ziahziah pah ding cih dan ai ve!..

Gintual: Hilua e!Tua na cih teng dipdep khit teh leitungbup sumbawlna kipawlna lianpipi teng (international cooporation) tawh leitung huamin kizop diamdiamna (global market/ network) dong ah kiphusuakto pan ding hi. Tua leh athupi mahmah khat ah gamsung sumbawlna lam ah kidemna om sumbawlna (market economy) kumpi in akiciantakin ahonkullai ding hi.

Tu-aa ahampi teng akicing dipdep khit tak teh damdamin gammite in tuisiangtho, mei gina, pilna sinna kician leh cidamna lam cihte gammi khempeuh ngah ding kilawm bulpi (basic needs of citizens/fundamental human rights) ngah kim pan ding uh cih dan khong hi e.

*Ginthang leh Gintual holimna teng avekpi-in nai (2) val hun sung bang sawt hi. Tua lawmta nih kihona teng ana ngai niangtui haikhat leh tuilum haithum bang ana hawp khin Cingno zong cim simsim kisata ahih manin, alawmte nih kiangah

“Pai vou guai ciahta ni! Khuamui dita….Innlam ciat zuan tek ni! Zinglam teh maban zomkik mai vou!” ci’n Cingno in Niangtui man teng apiak khit teh adin toh leh Ginthang leh Gintual te lawmta in na khawl Cingno! Ka Bus sap ding uh (200) tek ong leitawi ooo!!!! Bob Tuangpi

Yangon Tea Shop Culture
Ahun: 5:00 – 7:000 PM
Amun: Yangon Platform Niangtuisai