ZAM Thupuak :: 14 Apr 19 (DHS ulian te tawmvei ciahkik)

ZAM Thupuak :: 14 Apr 19 (DHS ulian te tawmvei ciahkik)

NA CONTACT NUMBER TE UH HONG UPDATE UN :: ZAM card tawi member te in ZAM zum ah na phone no. te uh update hong bawl hamtang un. Phone No. kilaih tam ahih manin ih phone No. te update ih bawl ham tang ding kisam hi. A zenzen in UNHCR lam pan vai khat om leh na contact No. aman lopi tawh bangmah hong kisam thei lo ding ahih manin update ih bawlna ding hong zasak ung.

KAMLET SEM NUAM TE IN SAZIAN HONG PIA UN :: UNHCR leh zum dangte ah Zomi kamlet (Interpreter) ding mikisam zelzel a, a hun zui in ih sap pah theih dingin Zomi sung ah Kamlet (Interpreter) nasep a lunglut te in min sazian nong piak nang uh hong zasak ung.

2019 ZSM LAIBU TE HONG AP KIK TA UN :: 2019 ZSM laibu te I hawm khiat zawh kha 4 bang hong cingta ahih manin March kha bei ah ih laibu khempeuh Zum ah ih puak kikna dingin ih ki zasak hi. Hong ap kik khin zong tampi mah ki om a, hong ap man nailo zong zong ki om lai ahih manin in a manlangin nong ap kik nang uh zong hong hong zasak ung. Mapang khawm in ih sep khopna te hang in tuni ciang a kalsuan zo ih hihi.

DHS ULIAN TE TAWM VEI CIAH KIK UH :: Tusung teng adiak in min kitaih tawh a awk te nawhtak in DHS interview kinei a, 13 April 2019 ni pan in tawm vei kikhawl kik phot ding hi. DHS ulian te a gam uh ah va ciah kik phot ding a, a sawtloin amau mun a laih ding te hong pai kik ding uhhi. DHS ulian te a ciah hang in RSC/OPE interview te kizom toto lai ding ahih manin ih phone te hoih tak ih tawi ding kisam mahmah hi. Khat vei phone hong sap ih ki pelhna in ih vai tampi hong zekai sak tuam thei hi.

ZAM ZUM AH HONG HAWH :: Anlangh Khua mi Northern Tedim Baptist Association (NTBA) ah Women Director asem laitak ahi Pr. Niang Lian Ciin leh a pasal Sia Do Lam Pau te in Malaysia hong zin sungin Zomite a it avei na tawh kizui in ZAM zum ah hong hawh in thapiakna leh thupha piakna hong nei ahihmanin kilungdam mahmah hi. Topa’n anuntakna uh hong zang sem sem tahen.

MIKANG PAU SIN NUAM TE ADING :: Tuhun pen khantoh mahmah hun ahih na tawh kizui in mikang pau leh Computer pen a theih huai leh theih ding a hoih mahmah ahihi. Tua tawh kizui in mikang pau a sin nuam te ading in hih a nuai a mun ah kisin thei ding hi. Tintan hun ding pen kha 3 sung hi ding a, April 21 ni pan kipan ding hi. Kal sim Sunday ni 3:30PM-5:00PM sung hi ding hi. Amun ding pen Methodist College A kicing zaw in a thei nuamte in Sm Htu Lai -0111 766 1375

UNHCR ZUM PAN PHONE HONG KISAP CIANG :: UNHCR zum pan in phone hong kisap ciangin hong sapna mun (RSD,DSU/RST/RSC/OPE, DHS..etc) dong hamtang inla, bangvai tawh hong sam cih zong dot ding mangngilh kei in. Phone hong kiho ciangin zong hoih takin kiging kawmsa in dawng kik inla, thudot hong neih leh zong na zum vai tawh akipelh loh ding hoih tak ngaihsun kawmsa-in dawngkik hamtangin. Kam khat I dawn khialh na tawh supna tampi piang thei hi. A diakdiak in hong sapna Department I theih kei leh zum I pai ciangin nawn kai na tampi om zelzel hi.

KIDAWM CIAT NI :: Malaysia om Zomipih a kua ma ciat I omna gam huih nun zia tawh kizui in kidawm ciatni cih hong zasak phapha ung. Kimat kihen hong tam mahmah in, a munmun ah oparasi hong lut pahpah ahih manin vaksuk vaktoh, hawhsuk hawhtohna ah kidawm ni. I om na veng kim veng pam ah zong kidawmsa in om ciat ni. Kiim leh pam a om mite in hong muh khialh loh dingin I om dan I khawl dan te kikem siam kawmsa in om ciat ni. Vai thupi mahmah lobuang zong vakvak kei zaw leng hoih zaw ding hi. Grab tawh na vak leh zong na tuan ding motor hawl te hoih tak telsiam lecin nang a ding hoih pen ding hi. A diadiak in mitam na munte ah tam vak kei leng ei ading hoih pen zaw ding hi. A zenzen in kimat kihen na khat natuak leh ZAM zum ah hong zasak pah in. Contact – Sia Tuangpu 016 254 4093 – ZAM hotline 016 293 9027

ZATO LAM TAWH KISAI :Zato lam tawh kisaiin vai khat peuh na neih leh Contact :Sia Mungpi 018 3122 957

ZSM PANPIH NA HONG PIA TENG

ZSM adingin mimal, Pawlpi leh Khua tek pan in zong panpihna ih nget zel mah bangin kum simin zong hong kipia den a, tukum adingin zong ZSM panpihna hong ki piapia tahi. Hih bangin ih pankhopna hang mah tawh tuni ciang ZSM a kiding zo hi a, nang leh kei mapan hang bek ahihi.

• 1. MLPP pawlpi RM300
• 2. MBF Pawlpi RM300
• 3. Zomi Innkuan Rawang RM300
• 4. Saizang khua kipawlna RM200
• 5. Zomi Ebenezer Malaysia RM1000
• 6. Mualpi Innkuan Malaysia RM200
• 7. Malaysia Tedim Suangpi innkuan RM200
• 8. Phaiza Innkuan RM200
• 9. HCCF pawlpi RM200
• 10. MZCC pawlpi RM1000
• 11. ZCF-Bethany Pawlpi RM300
• 12. Buanli Khua Kipawlna RM200
• 13. Mualbeem Khua Kipawlna RM200
• 14. Tuithang Khua Kipawlna RM200
• 15. Tuilangh Khua Kipawlna RM200
• 16. Zonuamzang Khua Kipawlna RM200
• 17. Do Sian Pau (KL Cherry Store) RM100
• 18. Zion Christian Church (Songailong) RM150
• 19. ZBCM pawlpi RM100
• 20. ZCF-Kota Damansara RM300
• 21. Laaitui Khua Kipawlna RM200
• 22. ZAC pawlpi RM300
• 23. Harvest pawlpi RM200
• 24. Dal Sian Hung Ministries RM300
• 25. Lailo Khua Kipawlna RM300
• 26. Cingpikot/Keizang Khua Kipawlna RM200
• 27. Malaysia Muizawl Khua Kipawlna RM200
• 28. Adonai ZCF pawlpi RM300
• 29. Joshua Mung (Tungzang) RM50
• 30. Shalom ZCWC Pandan Indah pawlpi RM300
• 31. Tungtuang Khua Kipawlna RM200
• 32. Pu Gin Kam Lian US$100
• 33. Pu Kham Khan Thang US$100
• 34. ZCCM RM300
• 35. Olive Christian Church RM50
• 36. MMC Pawlpi RM100
• 37. Teeltui Vontawi Innkuan-Malaysia RM200
• 38. Tauleng Khua Kipawlna RM100
• 39. Ngalbual Khua Kipawlna RM200
• 40. ZCF-Hatamas RM200
• 41. Vangteh Khua Kipawlna RM200

TUKAL SUNG ZATO LAM BUAIPIH TE

• 1. Khai Tan Thuam (Saizang) Kelena Jaya Clinic
• 2. Niang Lian Lun (Anlangh) Selayang Hospital
• TUKAL SUNG THONG LAM BUAIPIH TENG
• 1. Go Hau Mang (Tungzang) Setapak palik zum pan hong suakta
• 2. Song Sian Lian (Mualpi) Setapak Palik zum pan hong suakta
• 3. Zam Hau Tuang (Tungzang) Sentul Palik zum pan hong suakta
• 4. Mungpi (Taakkhawl) Sentul Palik zum pan hong suak ta
• 5. Niang Lian Thang (Ngente) MyRC card tawh kiman in ni (10) lockup ah a om khit ciang hong suakta
• 6. Zam Suan Kap (Anlangh) Sri Kuching ah Oparasi tawh kiman in Sentul Palik zum pan kihon khia
• 7. Dai Sian Muang (Tuimang) Sri Kuching ah Oparasi tawh kiman in Sentul Palik zum pan kihon khia

KIMAT KIHEN NA TUAK LEH : Zomi te sungah kimat kihenna na tuak zenzen leh hih phone no. te ah na hopih pah in. Nang a dingin a kiging sa in om den ding uh hi. Sia Tuang Pu : 016 254 4093

NASEP LAM TAWH KISAI : Zomi nasep neilote in nasep tuamtuam om hi. A lunglut leh dot nop aneite in Sia Khuppi— 016 3838 014, 011 3563 2059

LUNGDAM KOHNA

1. Go Suan Khai (Lalta) RM50 2. Lian Khan Mung (Langzang) RM10 Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi danin I pan khopnate hang in tuni dong a kalsuan zo I hihi. Topa’n Zomite adingin mapang zo semsem dingin thupha hongpia tahen.