Germanwings Airline pen Co-pilot ii khiatsuk cimawk

Germanwings Airline pen Co-pilot ii khiatsuk cimawk

Nung Tuesday ni in France Alps mualtung ah akia ahi Germanwings Airline pen vanlenghawl ahuhpa Co-pilot ii khiatsuk hi ci’n French Prosecutor te’n AP News te kiangah genkhia hi.

Vanleng kiatna panin vanleng tungah akithuah awkhumna Voice Recorder panin a kankhiat uhciang in hihbang in atheikhia uh ahihi. Vanlenghawl taktakpa Pilot papen vanleng hawlna amaibuk sungah aomloh laitak in Co-pilot pa kongkhak ki sungkalhcip a, vanleng akiading in akhiatsuk cimawk hi.

Voice Recorder sungah a aw naki khumkha ahih manin, amasa in Pilot pa in kongkhak kiu in awdam tawh damtak in samhiat hiat a, Co-pilot pa in ahonloh ciangin ki otsangawp uh a, tuakhit ciangin Germanwings vanleng pen akiasuk hihtuak hi.

Germanwings Airline tungah atuangkhempeuh mi 150 teng avek in sihlawhlian uhhi.

Tua vanlenghawl ahuh Co-pilot pa minpen Andreas Lubitz kici a, vanleng tungah atuangteng khempeuh ama suamlup hihtuak mawk hi.

Voice Recorder pan a ngaihkik uhciang in, Passengers te anuntakna uh abeimadeuh in patau linglawng in awngzaizai uh cimawk hi. Bangzah in mulkimhuai hiam???

Hihbang in gamtatna pen Terrorist ngongtat mite ahi dinghiam ci’n aki dotciang in “Terrorist tebel hilo hi” ci’n thunei te’n dawngkik uhhi. Terrorist lobuangding in a gam vevepawl himawk hi. ZD Sawltak