Singapore numeikhat mawtaw ahawl laitak Innlawi laulua in khuam taihkha
Nidang in Zogam ah nekledawn hamsa, muinam kiduh phadiak ahih manin, zusa vasa ganhing tuamtuamte bekthamlo, Innlawi nangawn akimat ciangin situl tawh meigei ah ki em hilhial in asa kine hi. Zogam ah innlawi aki nekngam hangin, gamdang akhangto gamte’n kihmahmah uhhi.
Singapore gamsung ah numei khatin mawtaw ahawllaitak, mawtaw sungah innlawi “Cockroach” khat mukha ahih manin, laulua mahmah in mawtaw hawlkhialgawp ciliang hi.
Nungkal Friday ni in tua numeinu in Singapore, Jurong East Central ah mawtaw ahawl laitak innlawi mukha ahih manin, pataulua in lamzikpi kantanna “Overhead Brige” khat taihkha ciliang hi.
Tuabang in ataihkhakna Photo pen Facebook tungah ki khahkhia a, a mawtaw zatpen Mazda asan khat ahihi. Lamzikpi kantan nadingin “Overhead Bridge” akibawl ii akhephung ah limtaihkhak mahmah in, a mawtaw amailambang limsiat simsim hi.
Hihvai mawtaw tuahsiatna aom ciangin Police te ki zasakpah a, palik te genna ah Science Centre Road zuakna, Jurong East Central ah Friday zingsanglam 7:30am hunpawl in atuahsia cihi.
More: Nisuhgah “Dates” sungah lungno pawlkhat kimu ahih manin Health Ministry in hoihtak sitsakding
Tua mawtaw ahawlnu pen amahguakbek mawtaw sungah atuang hi a, innlawi amuhkhak ciangin laulua mahmah ahih manin, Overhead Bridge ii akhephung ataihkha hi ci’n Straits Times te’n genkhia hi. Tua ataihkhit ciangin amahzong Ng Teng Fong General Hospital ah zatui kibawlding in kipuak cihi.
Miksi ihcih ganhing te lah si hetlo in, innlawi ihcih ganhing te’nzong inn lawi hetlo uhhi 🙂 Sawltak #zomidaily
Comment piaknop aomleh...