Zomi sungah Record Break khatin ka ciapteh Lengtong Pauno
Midangte muhna ah Zomi sungah pilna leh ciimna lamsangah Record a Break kei zongin, kei lungsim sungah Record Break khat a ka ciapteh pen Pu Lengtong Pauno hi.
Midangte danin a dang naal lo a, ahihang damdamin a gen kammal sungah paih ding khat zong om lo hi.
Thatang tawh kimawlna lamsangah ama kivakna bang hiam theih pih keng, ahihang kammal tawh kimawlna (Wordplay) lamah bel a dem zo om in um keng.
Gentehna in:
– Ih ciim ding thupi a, ih cim ding lauhuai hi.
– Tungtuangte zi in nei lehang Tungtuangte tunga tuang ih hi pah hi.
– Sia ka sak leh a sia na hizaw. Etc…
Ciamnuih zong amah zah a siam leh a huamkim ciamnuih a gen thei ka kithuahpih khak om nai kei.
Video: LIVE: Lengtong Pauno “A Tamzaan Lungtang” Kum 50 cin Album (1962 – 2012)
Ama kammal pawl khat:
– Mite in khitui naptui tawh hong ngaihsak uh ka late pen ken zong khitui naptui mah tawh ka phuahte ahihi.
– Zomi siamsinte aw no aituam ading na pil mah bangun Zogam Zomi adingin hong pil un.
No aituam ading na ciim mah bangun Zogam Zomi adingin hong ciim un.
No aituam ading na siam mah bangun Zogam Zomi adingin hong siam un.
Bangbang ahizongin kum 8 a phak akipan Pasian la phuak khin, kum 11 a phak a zawlla ngumngek a phuak khin Lengtong Pauno pen taan sawm awng bek ahihangin ama talent tawh kisai in Zomi Sungah Record Break zo khat bel hi veve hi. Zomi Quavadis
Comment piaknop aomleh...