Sengam ah Flight Attendant numeikhat vanleng tungpan in kia in a awmguh kitan

Sengam ah Flight Attendant numeikhat vanleng tungpan in kia in a awmguh kitan

Xiamen Airlines akici vanleng sungah nasem “Flight Attendant” numeikhat vanleng tungpan in kiasuk in, a awmguh kitan cih China Daily pan kiza hi. Tua Xiamen Airlines pen Henan Province sungah akhawl laitak, van kisam te aki guanbeh laitak ahihi.

Zhengzhou Xinzheng International Airport ah Friday sunlampawl in thupiang hi a, akiatlian laitak Video Record akibawlkha om a, tua Video pen Chinese Social Media “Sina Weibo” tungah ki thehzak in Viral Video suak hi.

Xiamen Airlines te ii vanleng khat ahi Boeing 737 pen alenkhia kikding in vanleng sungah van akisamteng nasem te’n aguanbehbeh laitak in nasem numeikhat atuahsia ahihi.

Vanleng ii ameilam “Aircraft’s Tail” kongkhak leh Movable Platform kikal ah akiasuk kici a, Hospital khatah amanlang in kipuakpah hi.

Hih Xiamen Airlines vanleng pen Fujian Province, Fuzhou City panin alengkhia hi a, Zhengzhou ah akhawlpak laitak ahihi. Tuapan in asawtlo in Gansu Province sung aom Lanzhou City zuanin alengkhia kikding ahihi.

Tua vanlengsung nasemnu pen Hospital ah kipuak in, a awmguh kitan ahih manin, Surgery kibawlsak hi. Xiamen Airlines te genkhiatna ah aliamna pen lunghimawh luatding omlo “Stable Condition” hita ci a, khantawn asiaciptheih “Permanent Damage” bangmah omlo bilbel cihi. Zato ah kalkhat sungkhawng kikemcip ding a, tuapan in tuakkik theiding hi ci’n genkhia uhhi.

Hih tuahsiatna vaitawh kisai in Xiamen Airlines leh Civil Aviation Authorities te’n hoihtak kancianna neiding uh cihi.

Hihbangdan tuahsiatna Accident pen abeisa October khasung inzong khatvei kiza ngeikhin hi. Guangdong Province, Shenzhen City panin Yunnan Province, Tengchong City zuanin aleng vanleng tungpan in nasem “Flight Attendant” khat kiasuk hi.

More: Vanleng sungah aomkhawm numei pen ta 3 neikhin khat hi a, pasal penzong alawmnu naupaai laitak

Tua vanleng pen alenkhia lianding in akithawi, apaipaita hi a, tualaitak in nasemkhat anunglam kongkhak “Tail Door” panin nakiasuk mawk hi. Tua akiazong numei hi a, aguh pawlkhat kitan in, liamgawp hi. Sawltak #zomidaily