Vanleng sungah aomkhawm numei pen ta 3 neikhin khat hi a, pasal penzong alawmnu naupaai laitak
Ryanair vanleng sungah numei khatleh pasal khat akitawina, aom khopna Photo leh Video pen nungsungteng Social Media ah minthang mahmah in ki thehzakgawp hi. Tua Video sungah aomkhawm tegel pen nupa hilo a, lawm kingai zong hihtuaklo uhhi. Anih un Britain gampan hi uh a, Ryanair vanleng tawh Ibiza zuanin aleng laitak un vanleng sungah akithekha ciziau lawmlawm hi.
Mipi lunglut mahmah ahih manin Media te’n kankhia uh a, anumei pen kum 39 aphakhin Tracey Bolton kicikhat ahihi. Nungak nahinawn hetlo in, ta 3 bang aneikhin nupisa khat nahi sawnsawn hi.
Apasal penzong kum 31 aphakhin Shaun Edmondson akici khat hi a, amahzong tangval sitnawnlo khat ahihi. Inn ah alawmnu gaikhah mahmahsa “heavily pregnant” in aciahding ngaklah in om cihi.
Hih tegel pen innkuanpih aneituak uh hi a, lawm kingai “Lover” zong hihtuak beeklo uhhi. A numeinu pen vanleng atuanma in Manchester Airport ah zu dawndawn kici hi.
Ama genkhiatna ah tawmcik zu kakhamna panin ka haigamtatna hangin leitungbup zelmawk hi ci’n alawmte khatkiang ah genkhia hi. Kamai zumahmah, hih Photo leh Video te Social Media tungah kamuh akipan kapkap mai ing, maizum huailua cideep hi.
Ataktak in vanleng sungah aomkhawm hikei ung, atungah ciamnuihna in adiangdiang mawkmawk hi ing ci’n genkhia hi.
Ahi zongin anih un zukham mahmah kici a, apasal pen inzong Condom apua na omkha uhhiam ci’n awngbuabua kici hi.
Shaun Edmondson pen Kendal, Lyth Valley Country Inn ah anhuan “Chef” nasep asem khat ahihi. Inn ah anutsiat alawmnu taktakpen naupaai in kha 6 phakhin himahleh tua phawkkha nawnlo in, vanleng sungah akimuhpak khattawh leitung gualnopna zongkhapak ahih manin minsiatlawh dikdek hi.
Related: Amsterdam khuasung ah mawtaw khatin mipi omna nawkgawp in mi 8 liam
Inn ah aciahding angaklah mahmah alawmnu minpen Jenna Ross kici a, Canada gampan ahihi. Aki ngaihzawh uh kum 6 bang phakhin a, alawmpa khualzinna vanleng sungah aki Record Video mukha in nuamhetlo hi.
Tracey Bolton zong Lancashire, Colne ah Cafe saikhat anei “Café owner” khat ahihi. Vanleng tuanciang kidawm unmaw 🙂 Sawltak #zomidaily
Comment piaknop aomleh...