Federal State tawh kisai Pu Cin Sian Thang leh Pu C. Thang Za Tuan kihel aa Debate bawlna (Video)

Dear, laisim Zomi pih akua mapeuh

A lunglut leh thu theih nuam tengin, khatvei lim phatak nangaihsak lai dih vuo! Thu kigen teng khempeuh mah abeisa kum 60val sung Bogyoke Aung San in Pang Long thukimna (Pang Long agreement) aa akamciam 1948 Kawlgam suahtakna (independence) ngah khit kum 10 acin hun ciang’ mual tung gam teng khempeuh mah ei leh ei kiukna (Federal State) kong pia ding hi. Cih (promised) hong piak ciang’ aa Shan, Chin, Kachin etc, te’n Bogyoke Aung San kamciam muanna tawh mual tung mi (Toung-paw) leh zaanglei mi (Maya-pianh) kipawl theih ta ahih manin, suai kikaai pan’ aa Kawlgam bup kithukimna tawh suahtakna (Independence) pen Jannuary 4, 1948 ni-in Mang kang te khut sung pan kingah theih leh hong pia theih pan uh zong ahi hi.

A kaal ah thu tampitak om aa, Kawlgam suahtakna ngah khit kum66 aphak khit tuni hun ciang dong tua (Federal State) deihna bulphu in Kawlgam sung mual tung mite tawh kido/ kikap ngehngeh in tu hun ciang’ kikap/ kidona te abei theih nading ahanciam mahmah ta zongun, tua thu tawh kizawitawn dingin 2008 Galkap kumpi-in Kawlgam may kha bul Cyclone Nargis sung akikipsak Kawlgam thukhun (Constitution) pi apuah phat kei uh leh hong pia tuan theihlo ding uh ahih nate leh khantawn aa apian theih nahleh hong piak sawm vetlo aa, aveu2 bat sawm uh ahih leh zong’ ei mualgam miteng kipawlna pan leh akoi2 sungpan bangci bang aa hong piakkik masiah uh khawl nawnlo aa, bang teng bawl huai leh bangci bang phul (Pressure) pia ding cihte kikup khopna ahih manin, theih huai thu leh lunglut ahuai mahmah, cih gen thamlo ei mimal khat ciat ding thupi phadiah in, ih mailam nuntak khuasah nading thu zong ahih manin, telcian ahuai thu khat hong suak ahi hi.

Hih thu tawh kisai kikupkhop/ kinialna leh ngaihsut piakna anuai aa link pan (video) kingai theih hi.

Kham Khan Suan (Artist Kyaw Kyaw Oo)