Jesuh in zong hanmual lampi tawn…1 Pet.3:18-20.
“…Mite in ama’ leitung pumpi that a, ahi zongin Pasian in kha nuntakna a pia hi. Tua kha nuntakna tawh va pai-in thongkia in a om khate kiangah thu va hilh hi. Noah in teembaw a bawl hun laitakin Pasian in lungduai takin ngak hi napi-in hih kha a nei mite pawlkhat in Pasian’ thu manglo uh hi. Teembaw sungah a om mi giat bek, tui in a suakta sak hi – being put to death in the flesh but made a live in the spirit, in which he went and proclaimed to the spirit in prison, because they formerly did not obey, when God’s patience waited in the days of Noah, while the ark was being prepared, in which a few, that is, eight persons, were brought safely through water”.
Thongkia in a om khate (spirits in prison)
Hih thu tawh kisai khiatdaan (interpretation) nam thum bang om hi. Tuate’ lakah pomzia dik pen ih gen ding hi. Hih Lai Siangtho mun ah “thongkia khate” a cih ciangin thumanglo vantung mite a cihna hi loin Noah hun lai-a thu umlo mite a vagen, a vakawk kik ahi hi. Tua mite ii khate tu-in ahih leh thong (prison/hell) sungah a om ta uh ahi hi. Thong le han kibang lo. Hell le han zong kibang lo hi. Ahi zongin hell le thong a cihnopna kibang hi. Han + mi khempeuh. Hell + thu umlote bek.
Mi bangin ong pianma Khrih’ Lungdamna Thu (Christ, “in the Spirit”- 3:18)
Noah hun lai-in Khrih in a Kha tawh Noah tungtawnin Kha Gupkhiatna thu na tangko khin zo hi napi-in tua hun lai-in Noah tungtawn in Khrih in a Kha tawh a gen gupkhiatna thu a za mite in thudon lo uh ahih manin tua mite’ khate tu-in thukhenna thuakin thong sungah a om uh ahi hi, cihna hi zaw a, Jesuh Khrih a sih khit nithum sung Noah hun ma ciangcianga misi thu umlote’ tunna hell sung tung khate kiangah va pai a cihna hi lo gige hi.
Tua kha nuntakna tawh va pai-in thongkia-in a om khate’ kiangah thu a va hilh hi, a cih ciangin tu laitaka hell sungah a om khate tungah a beisa hih mite a nuntak hunlai un Khrih in Noah tungtawnin thu a va hilh khitsa ahihi, a cihna hi zaw hi. Tangtawng pek panin Khrih pen kamsang, siampite’ tungtawnin na kipholaka tu-in Noah tungtawnin zong hua hunlai mite ahi, tu-in hell sungah a om khate kiangah hia hun lai-in Khrih in a kha tawh Noah tungtawnin Lungdamna thu a va gen khitsa ahihi, a ci nuam ahihna thu hih Lai Siangtho mun ii gen nop bulpi na hi gige hi.
Christ, “in the spirit” (1Pet.3:18), proclaimed the gospel “in the days of Noah” (v. 20) through Noah. The unbelievers who heard Christ’s preaching “did not obey…in the days of Noah” (v. 20) and are now suffering judgment (they are “spirits in prison,” v. 19).
Lungdamna Thu thongkiate’ tungah a va genna (Preached to the spirits in prison – 3: 19)
Hih Lai Siangtho mun pen sih nung ciangin hell sung pan Khrih ong gupkhiatna (second chance) om thei lai hi, cih thu hilh nadingin mi pawlkhat in siksan uh hi. A sihna le a thawhkik hun kikal ni thum sungin amaute’ cih bangin Jesuh pen Noah hun ma-a a si khate’ kiang hell sungah hi taleh thongkia vantung mite’ kiang hell sungah hita leh va pai lo hi. Sih nung ciangin gupna second chance om thei nawn lo hi. Sih khit ciangin Jesuh in Lungdamna thu va tangko san nawn lo zawin thu a va khen hi ta hi. A kipatcil panin a tawp dongin Jesuh kilaitaat Gupkhiatna a om tawntung khin ahi hi. Singlamteh le Thawhkikna hun ma pen ento enkhol upna hi a, tua khit bel enkik ensuk upna tawh kalsuan hun ahi hi. A upna thu tawh a kipel kuamah om thei lo hi. OT looks forward faith. NT looks back faith. It’s the same. Topa Jesuh a sih sungin misite’ kiangah lungdamna thu va tangko cih pen hih LST mun tawh kituak lo hi (Lk. 16: 26; Heb. 9: 27). Ih Lai Siangtho bulphuhna in a gennop thu bulpi pen ahih leh sih khit thu ding pen sihma thu tawh kikhen ahihna hong lak nuam lua na hi gige hi.
Lungdamna thu thongkia khate’ kiangah va tangko cih ciangin Jesuh in a Kha tawh mi bangin ahong pian ma-in, Noah tungtawnin hih thongkia khate tungah a nuntak lai un Lungdamna thu a genkhit sa (preincarnate preaching) ahi hi, cihna hi zaw hi. Hih LST mun pen Jesuh’ sihna pan thawhkik ma ciang hun (preresurrection preaching) hi taleh, Thawhkikna pan vankahna thu (postresurrection preaching) hi talehte tawh kisai lo zawin, Jesuh mi bangin ong pian ma, Thuciam Masa (OT) sung khempeuh ah Kamsangte Siampite’ (gentehna: Noah, Abraham, Moses, Samuel) tungtawnin Lungdamna thu a tangkoko khin ahihna a gen nuam, a kithei sak pha nuam ih hihi.
The section refers to preincarnate preaching (i.e., that Christ preached through Noah (cf. 2Pet. 2: 5) to Noah’s wicked contemporaries while they were still alive). He called them to repentance, but they disobeyed and are now imprisoned.
Thukhupna
Jesuh in a sih khit ciangin a mah tawh kikhai khawm a ziat lam pa’ kiangah “…Tuni in Paradise-ah kei tawh na omkhawm ding hi,” ci hi (Lk. 23: 43). Jesuh Hell sungah pai lo hi cihna kilang pah hi. Hebrew lai-in Sihna Hanmual pen “Sheol” kici hi. “Sheol” a cih ciangin Zopau iin “Hanmual” kici thei hi. A zawng, a hau, a pil, a mawl, midik, migilo hanmual (grave) ah a kibangin kizuan ciat hi. Hanmual panin lampi nih a om kik hi pan bek hi. Heaven or Hell. LST pawlkhatte’ teikhiatna sungah (gentehna: KJV-Ps.16:10; 139:8; Pro. 23:14; Jonah. 2:2; Hab.2: 5) “Sheol” pen “Hell” (Hades) cih bangin letkhiat mang khit ahih manin a taktak ciangin “hell” le “hanmual” thu kilamdanna thu kikhen khial, kitel khial sak pahpah hi. Hanmual paina pen Zomite in leisung galkap tum peuh zong ih ci thei hi. Thu ummite’ adingin hanmual pen vantung
lampi ahi hi. Thu umlo mite adingin sihna hanmual (sheol/grave) pen hell tawh a kiza kim suk pah na hi leuleu hi. Topa ahih leh bel hell sung tung lo, pai lo a, mawhneite’ tang dingin sihna a thuak bek ahi hi. Ahi zongin mikhempeuh um tawh um lo tawh sihna hanmual (sheol=the realm of the death) tawn kim ciat ding uh hi. Jesuh zong sihna hanmual tawnin leisung galkap nithum sung a tum sungin hell sung a va pai hi loin, Paradise ah om hi.
Tona (Challenge): Gennop bulpi ah, sih nung ciangin lungdamna thu tangkona om nawn lo hi. Koi LST mun ah kigen lo hi. Jesuh hell sungah pai dihdih nawn lo, sih nungah lungdamna thu tangko dihdih nawn lo hi. Sih khit ciangin gupna (second chance) om nawn lo hi ih cih ciangin bang phattuamna om hiam? Nuntak hun tom kal sungin Lungdamna thu tangko ding, up ding ih vaipuak a phatmawh mahmahna (urgency of Gospel preaching), mawhna thaanghuai lua ahih manin mawhna thu genna hangin mite kisik ding hun hoih muhsak kholhna (the seriousness of sin and chance to repentance) le sih ma-in gup ngah kiciat ding a kul mahmahna (the assurance of Salvation) thute hong kimu sak thei ahih manin hih thu gencianna in phattuamna tampi om sak hi cih tona (challenge) manpha ahi hi. Topa’ Kha Siangtho in a tel dingin hong lawng ciat ta hen!
Evan. Suang Dal
Comment piaknop aomleh...