Kiteelna News (08 Nov 2015)
Ih ngak lah mahmah ahi kawl gambup kitelpi tuni in hoihtak phatak in kizo
taktak ta hi.
Polling station khempeuh tu mahmah in kikhak khinta hi.
Buaina neuneu a tuamtuam anuai aa bang in om hi.
Mandalay ah Chief minister Ye Myint vote khiading in apai ciang in USDP
Uniform silh lenlan sa in pai ahih man in election commission thunei te’n
“Pu aw hih bang in kilut theilo ding hi: thukham palsat suak ding hi teh”
acih uh ciang un amai san gawp sa in amawtaw sung ah lut kik aa apuan alaih
khit teh hong pu suak khiakik hi.
Mandalay khuasung Maha Aung Myay township Maha Myaing veng polling station
No. 5 ah tusun in meltheih loh mi hon khat mawtaw 6 tawh vote piading in
honlut uh aa amasa mi 20 in piaman uh hi. Thunei te’n muang mawh ahih man
in manding in akithawi ciang un pasal teng taikhia man aa numei teng bel
manzo uh hi. Mundang pan aa hong kuan uh hih tuak hi.
Rakhine state Myay Pone khuapi sung ah USDP Candidate khat in tuzing nai
9:30 in mipi sung ah “Vote nong piak uh leh tul 2 hong pia ding hi’ng ci’n
zol hi”.
Yangon Thingan Kyun ah mikhat in vote nih vei khiat sawm ahih man in thunei
te’n man uh hi. “Ka Nu’ ading akhiat sawm hi’ng” ci hi.
Yangon Mingalar Thaung Nyunt township 94 street sung ah vote khia thei ding
mi tul val om lak ah 700 val in vote khiat theihna ticket lalo ahih man in
athu ki nung kansan ding dan ahi hi.
Yangon region sung mah ahi Kawh Hmuu township sung leh Botahtaung township
station No. 39 ah National Affairs ading minam vote khiat theihna angah
khalo Karen mite tampi om hi.
Mon state leh Kachin state ah zong minam vote piakkhuan angah khalo kawlte
tampi om ahih man in khasia mahmah uh hi.
Tutung kiteel na ah vote piak khuan ngahding aa kilawm mahmah napi angah
khalo tampi om ahih man in pawlkhat bang khasia lua ahih man in kap
ngeungeu tangial uh hi. Pawl khat leuleu amin om napi’n ami omlo zeel hi.
Atamzaw bel kumpi nasem te ahi hi.
Kuan zo cih pen tu nitak khawng ciang in pawlkhat kithei tading aa thunei
te’n bel zing ciang aa kipan hong tangko khia ziahziah tading uh hi.
Tu’n vote tang sim ziahziah ta uh hi.
Zogam ah bel ei lam pawl beh ciang tawh buai khop mahmah lai ih hih man in
tanau sung kitapkhapna tampi piang khia hi.
Tedim leh Tonzang ah ZCD in atamzaw zoding in ih lam en aa kawlgam ah bel
NLD in azo ding in ih lam en hi.
Alamdang mahmah khat ah polling station te akikhak kuan ciang in van hong
ging in akikhak hun lian ahi nitak nai 4:00 asat ciang in guah hong zu
ziahziah mawk hi.
“Zomi leh kawlgambup ading in thupha guah hong suak henla, sehnel gam aa
rose pak bang in Zomi leh Zogam hong paallun sak aa hong nosuah sak guah
hoih guah pha hong hi hen” ci’n thungen kawm in:
Mung Laan Thang
Zangkong
Comment piaknop aomleh...