Escalator kahlei tungpan naungek kha 4 aphapan khat kia

Escalator kahlei tungpan naungek kha 4 aphapan khat kia

Shanghai Shopping Mall khat ii setkahlei ihcizeldiam Escalator tungpanin naupang kha 4 bek aphapan khat kia cihthu Straits Times pan kizasawn hi. Friday (November 11) ni thupiang hi a, Shanghai, Qingpu District sung aom Wu Yue Plaza sungah 2:30pm hunpawl in akia ahihi.

Hih naupangno akiatdan pen CCTV panin ihmuh ciangin citziat huai mahmah hi. Api in Escalator tungpan in anuai ah akumsukding ciangin aveilam tawh nau tawi in, ataklam tawh Escalator alenkawm ahihi. Escalator akumsuk ciangin api pen taklam ah hoisukkha in, anautawi pen anuai ah kiatsuah mawk hi.

Akiatna pen Shopping Mall ii adawlthumna pan hi a, naungek pen sipahsamlo hihmah leh gimmahmah cih kiza hi.

Api leh naungek kitawi in amasa uh hi a, anungah naungek ii anu leh asanggam naupanglai khatmahtawh azui uh ahihi. Api in naungek akiatsuak ciangin anutawh atonkhawm, naupang penzong kidon khanawnlo in taisansukkha uh a, tua naupang zong Escalator tungah bawhsuk in tuksuk sawnsawn hi. Ahi zongin anuai ah api in natawikik thei bilbel a, liamna omlo hileh kilawm hi.

Shopping Mall nasem te in amanlang in Ambulance sapsakpah uh a, zato kipuakpah cihi. Naungek pen gimmahmah cih kiza a, lametna tamtuak mello hi.

Hih anuai ah YouTube Video tawhzong ki enthei hi.

Behlapna:

Adiakdiak in ei Zomi te’n hih Escalator tepawl pen ihneutung in ihzatzat hikhollo ahih manin, kidop huai mahmah hi. Piteek puteek te phadiak in nopmawh samahmah uh a, pawlkhat bangin bangci tuanding theilo akhedap bang asuahliang omthei hi.

Tuahi a, piteek puteek tepen amauleh amauzong haksa asakmahmah uh ahih manin, naukhawng tawikawmsak hetkeileng hoihpen dinghi. Piteek puteek genloh ei khangnolai te nagawng khatveivei ihlung a apvatvat hunkhawngpeuh omtheilai hi. Kikepsiam sawmni, lungdam! ZD Sawltak #zomidaily