Singapore MRT meileng khawlna ah numeikhat aguaktang in aomlaitak Photo ki thehzak

Singapore MRT meileng khawlna ah numeikhat aguaktang in aomlaitak Photo ki thehzak

Singapore gamsung ah meileng khawlna MRT Platform tungah numeikhat aguaktang in aom laitak photo pen Social Media ah ki thehzak hi.

Singapore News Portal khat ahi Stomp te pulakna ah tua numeinu pen abeisa Wednesday nitaklam in Singapore’s Pioneer MRT Station ah aguaktang in aomlam akimukhia cihi.

Social Media tungah akithehzak tua Photo sungah numeinu pen aguaktanglian “completely naked” in adinlaitak photo kizaihkha ci a, akhe taklam ah mawza “Sock” atomkhat abulh linglengbek apumpi tungah om cihi.

Adang Photo khatmah ah tua numeinu pen pasal khat kawito in, aki zantoh laitak Photo khatzong ki khahkhia hi. Tua Photo sungah numeinu ii apuansilh nikteen hidingin aki ummawh 2 te leilak sualtung ah aphiah zengzangin kimuthei hi.

Meileng khawlna ah nasem MRT Staff te’n tua numeinu aguaktangin aom ciangin etlawm sasamlo uh ahih manin puankhattawh akhuhsawm, aselbawl saksawm laitak in Photo akizaih hihtuak hi.

Singapore Police te’nzong hih buaina Incident thupiang pen apiang taktakmah hi ci’n genkhia uh a, Wednesday nitaklam 10:30pm hunpawl in MRT Station ah hihthu apian ciangin Police Station ah hongki zasak cihi.

More: Malaysia, KL khuasung ah Model numeikhat aguaktang in inntungpan kia in si

Tua numeinu pen kum 35 aphakhin khat kici a, alungsim cidamlo cihtawh “Mental Health Act” thukhunzui in kiman hi ci’n Police Spokesperson khatin genkhia hi. Ahi zongin banghangin aguaktang in tuabangin MRT Station ah om cihpen athu akicing in ki khahkhia nailo hi. Tulai numei tebel hehvanglakleh a utbangbang in gamta ngam, omngam theimawk uhhi 🙂 Sawltak #zomidaily