China gamsung aom zato cina ki atna “Operating Theatre” sungkhat ah Surgeon siavuan khatin alawmnu atupgawp laitak CCTV Video pen tulaitak Social Media tungah minthang mahmah cih Daily Mail pan kiza hi.
Operating Theatre sungpan in cina aki at khitphet, Surgery mankhin in aki paikhiatpih khitphet in kitotna akipan ahihi. China, Henan Province sung aom Lankao County Hospital sungah thupiang kici hi.
Ageipan amukha Witness te genna ah Surgeon pa’n Nurse asem alawmnu “Girlfriend” kiangah Operation bawllaitak Protocol zuilo ci’n agenpen, alawmnu’n nial ahih manin akitawng, akitum uh kici hi.
Tua Video Clip pen Chinese Social Media tungah ki khahkhia masa in, ki limet mahmah a, View 4 Million bang phakhin cihi. Video Clip sungah amasa in Nurse numeinu in alawm ngaihpa “Boyfriend” bengphei masase hi.
Tuaciangin alawmpa zong thau bang hileh keksa in “Ready” in aomsa hikha ngelding hiven, alawmnu tumpheipah hi.
Numei ahihciang dopbawlding cih omlo in, metlehzet in tup acihin tumpheipah ngekngek in alawmnu leilak ah atuksukdong in tumgawp dikdek mawk hi. Leilakah atukkhit nangawn in kilehkik phialmawk in akhetawh tuansuklai tazen hi.
Nurse nupen liam ahih manin adang alawm naseppih te’n zawngkhia uhhi. Hospital panin Statement akhahkhiatna ah tua alawmpa’ tup athuakgawp Nurse pen liamgawpna omsamlo ci uhhi.
Video etnopleh: Doctor Punches A Nurse – In The Operating Room
https://www.youtube.com/watch?v=_gKj6S1P69k
Operation bawlkhitphet in adangkhatzong khui kulpah phialleh kilawm hi. Hih lawmki ngai tebel sauvei ki khomlo khading hi 🙂 ZD Sawltak #zomidaily
Comment piaknop aomleh...