Idol… Idol… Idol… (Zomi Idol)
British mi Simon Fuller in abawl Pop Idol tungtawn aa ong piangkhia American Idol pen Fox channel ah June 11, 2002 in amasa pen ding ki khah khia hi.
Khantohna adelh kawi kawi Zomi ten zong ‘Takkheh’ ci in en zong ibawl sam aa, tun Idol mi bangzah hiam inei ta hi. Lungdam hang. Lai Siangtho Exodus 20:4 ah ‘IDOL’ pen eipau in “Aki bawltawm milim” ci hi. Thu geen siam ten agen uh ciang in sum deih luatna pen milim biakna (Idol worship) khat hi aa, minthan nop luatna zong milim biakna (Idol worship) ci in gen uhi.
Tua leh i “Zomi Idol” uh bang ahi tam?
Lai Siangtho in “Keimah longal pasian dang na bia kei ding uhi ci hi (Exodus 20:3). Aneu 4 na ah “Milim bawltawm” ahizong tua tawh akisun bangmah na nei kei ding uhi ci in hong hilh ahihman in “Milim bawltawm (Idol)” ahi i Zomi Idol te pen Pasian deihna tawh kituak mah ahi diam? Pasian in hong thukim lel tam? Bangmah lo in angaihsun lel bilbel diam?
I idol te: Gentehna Idol Mungpi, Idol Cinpi tepawl eipau in khia leng Milim bawltawm Mungpi, Milim bawltawm Cinpi cihna dan suak hi. Milim bawltawm Mungpi eh.!! SORRY…. Idol Mungpi bang bel Zomi sung ah lasiam pen lam aa katuat khat hi. A gensiat sawm hi peuhmah lo. Na telkhial kei un.
Tua ahihman in, Milim bia ong kici leh sih zak aa zadah ding ihihman in ngaihsun pha kik leng ahoih diam? “Zomi Lasiam pen kiteelna” khawng cizaw nenuk lel leng idol zezen sang in Pasian muhna ah akilawm zaw deuh tam? Kei ngaihsutna pong hi ei. Bang ci isa aa le??? Itna leh deihsakna tawh, Zomi Anonymous
Comment piaknop aomleh...