Malaysia, Shah Alam sungah thautawh kikapna piang, mi 2 liam

Malaysia, Shah Alam sungah thautawh kikapna piang, mi 2 liam

Malaysia, Shah Alam vengsung aom Jalan Kota Kemuning ah thautawh mi 2 kikapliam cih theStar pan kiza hi. Tuni Tuesday zingsanglam 10:15am hunpawl in thupiang hi a, thautawh kapliam athuakte pen Gym Owner (Boss) khatleh anasem khat ahihi.

Tua Gym Owner papen tuni asuahpawi Birthday bawlding in akithawi ahihi. A nasem khatpa tawh vankisam leiding in mawtaw tawh avakkhiat laitak un thautawh kap athuak uh ahihi.

Hihvai tawh kisai in palik thunei ahi Shah Alam OCPD Asst Comm Baharudin Mat Taib in agenkhiatna ah Boss papen thautawh amai kikapkha in, nasempa pen agil ah kikapkha cihi.

Hih buaina thupiang aom ciangin khuasung vengsung mipi te’n mawtaw tuahsiatna Accident khatpeuh aom sakha in Police te zasak uhhi. Police te aphual ah atun taktak uhciangin Accident hilo in, thautawh kikapna apiang nahizaw hi.

Thautawh kap athuak mi 2 tepen kum 40 leh kum 43 aphakhin hi uh a, nasempa pen Indonesian gammi kici hi.

Athu akikanna ah Four-wheel-drive vehicle mawtaw khattung panin thautawi pawlkhat in hih Boss leh nasempa tuanna mawtaw nehphei uh a, tuakhit ciangin Semi-automatic Pistol tawh ageinai panin akapphei uhhi ci’n genkhia uhhi.

Police te’n tua buaina apianna geinai tengah thautanghawng 7 mukhia uh a, thautawi te’n atawmpen 7 vei peuhmah thautawh akap uh hidinghi ci’n genkhia uhhi.

Thautawh kapliam athuak Boss pa leh nasempa pen Klang vengsung aom Hospital Tengku Ampuan Rahimah zato ah zatui zaha kibawlding in kipuaksak a, anih un sihlawhliang nadingin huaisia samlo kici hi.

More: Malaysia, Penang ah pasal khat thautawh 10 val veibang kikapgawp in silo bilbel

Hihvai tawh kisai in athu atheikha khatpeuh aomleh amanlang in Police Station ah hongzasak pah un ci’n palik te’n genkhia uhhi. Sawltak #zomidaily