Rakhine State ah WFP (World Food Programme) in huhna piakik

Rakhine State ah WFP (World Food Programme) in huhna piakik

(Rakhine – August 28) – Galkap ten ukna a sutna uh tawh kizom in World Food Programme ten Rakhine state a om dongtuakte panpihna a piak uh pen kha 3 kiim bang a khawlna uh pan in August kha kal 4 pan kipan in piakik ding uh hi cih tangko khiatna nei uh hi.

Rakhine state a om dongtuakte panpihna in WFP ten mikhat teh kha khat ai 15,000 MMK tawh panpihna a nei uh ahi hi. 2017 kum Rakhine leh Muslim te kikal ah buaina hang leh 2018 galkapte leh AA te kikal buiana te hangin galtai dongtuak mimal pen a tulza sim in IDP camp te ah om uh hi. Source: VOA Burmese

TAUNGDWINGYI AH A PUALAM VAKKHIAT THEIHNA HUN CIANGTAN KIKHIAM

(Taungdawungyi – August 27) – Magway division, Tuangdwingyi khua ah Covid-19 natna kilawh loh nading deihna tawh ukna buluh galkap te-in Aug 26,2021ni pan vakkhiat theih hun ciangtan sak uh hi.

Khuami te khat ii genna ah “A ciangtan masak lai un zingsang nai 4 pan nai 10ciang leh nitak nai 5 pan nai 8 ciang hi aa, tutung a ciangtan kik na uh pen zingsang nai 6 pan nai 10 ciang leh nitak nai 5 pan nai 7 ciang in khiamsuk uh hi” ci hi.

Hih dan in a ciangtan sak na uh hang in nisim nektawm zong mi pawlkhat ading haksat na tampi om aa, Covid zong kiam mahmah ta a hih man in ukna buluh galkap te sepna tepen mipi phattuamna ding bang mah omlo hi ci-in zong khuami te’n genbeh lai hi.

Taungdwingyi khua ah a sawt nailo khat in dalan ရာအိမ်မှူး khat kithat a, galkap zalian khat ii store sai zong bomb ki puakkham sak hi. Tua dan teng a piang khit apat mipi te tung ah galvan te zang aa bawlsiatna tampi thuakbeh uh hi cih zong khuami te tungpan kiza hi. DVB TV News

SUMLUT KIAM NA HANG IN UKNA BULUH GALKAP TEN SUMLUT KIBEHLAP THEIH NA DING A HITHEI TAWP IN HANCIAM DING CIH LIEUTENANT GENERAL SOE WIN IN GEN

(Nay Pyi Taw – August 24) THE TEDIM POST : Myanmar gamsung ah galkap te-in ukna a buluh zawh uh gamsung ah siahpiakna kiam mahmah aa,ong tung ding kha 6 sung in zong sumlut nakpi takin kiam lai ding ci hi. Tua a hih man in Lieutenant general Soe Win in Ministry of department tuamtuam te a kimuhkhopna ah sumlut ngahkik theihna ding a vaihawm naang un hanthawn hi.

Finance commission ah Vice President zong ahi Lieutenant general Soe Win in August 24 inMinistry of Planning and Finance, Nay Pyi Taw ah a kibawl sumlut/sumzat na tawh kisai meeting a neih na vuah “COVID-19 natna hang tawh gamsung business tampi kiam bek thamlo in, siahpiakna te, gamsung sumlutna tuamtuam te zong kiam mahmah hi” ci-in genkhia hi.

Mipi teelcing kumpi te kiang pan galkap te’n ukna a buluh uh Feb 1 pan gamsung sumlut tampi kiamtuam pah hi. Ukna buluh galkap te-in period budget (ကြားကာလဘတ်ဂျက်) dingin October 2021 pan March 2022 dong suai khol uh aa, sumlut bel tawm mahmah ding in lamen uh hi.

Meeting kah department tuamtuam te kiang ah ” A hunzui leh a lem dandan in sumlut ngah nang hanciam ding leh alo theilo munte bek ah sum cil zat mahmah ding”cih zong genbeh lai hi.

Ukna buluh galkap te-in tukum 2022-2023 budget kum pan kipan in budget kum asuaih thak kik ding uh pen April 1 pan March 31 ciang hiding ci hi. Mizzima-News in Burmese/ Tedim Post