Datkhe avui tawh Coffee gawmkhawm in abawlkhia Vietnam Coffee Company khat kiman

Datkhe avui tawh Coffee gawmkhawm in abawlkhia Vietnam Coffee Company khat kiman

Vietnam gamsung aom Coffee abawlkhia Company khatin asiangtholo, nekding ahilo tawh gawmkhawm in Coffee bawlkhia ahih manin kiman cih Tuoi Tre News pan kiza hi.

Vietnam gamsung aom Daily Newspaper khat ahi Tuoi Tre News te’n Wednesday ni in agenkhiatna ah tua Coffee Company te’n Battery luite panin avui avom tetawh Coffee gawmkhawm in bawlkhia uh cimawk hi.

Tua Coffee Manufacturer pen anei Nguyen Thi Loan hi a, Vietnam, Dak Nong Province sungah aom Company khat ahihi.

Local Police leh Fodd Inspectors te’n tua Coffee asiangtholo in kibawl cihthu azak uhciangin asitding in kuankhia uhhi. Ahuang sungah Coffee abawlzia pen avengsung ah aomkha te’n muanmawhhuaisa ahih manin kumpi thunei te tungah azaksak uh ahihi.

Kumpi thunei te’n tua Coffee kibawlkhiatna huangsung ah asit uhciangin asiangtholo Dirty Coffee bekbek 12 Tons bang mankhia uhhi.

Tuaban ah Coffee lakah ahel uh Raw Materials honkhatzong ki mankhia hi. Tuate lakah Battery akizanglui te panin akilakhia Black Power bekbek 35kg bang ki mukhia a, tuaban ah Coffee lakah heldingin azat uh Black Liquid akigawm in 10kg bang mankhia uhhi.

Tua Coffee Company neipa in Police te tungah agenkhiatna ah adang muntuamtuam panin Coffee Bean atang aginalo akideihlo te atawmman cikcik in leimasa cihi. Tuakhit ciangin tua Coffee Beans tepen alimci leh avomsuah sitsetdingin Battery datkhe hawngsung ah avui avom khawngtawh helkhawm in, azuakkhiakik cimawk hi.

Vietnam National University panin Chemistry Expert khat ahi Associate Professor Tran Hong Con in agenkhiatna ah tua Coffee lakah akihel Battery aluite panin akilakhia avui avomte pen gu apiangsakthei Toxic Chemical hi a, Manganese Dioxide kici in lauhuai mahmah cihi.

Video: A Vietnamese family-run coffee manufacturer based in Dak Nong province has been caught producing “dirty” coffee from harmful materials like used batteries, dirt and rock dust, daily newspaper Tuoi Tre News reported on Wednesday (April 18)

Manganese Dioxide avui themcik ahi 0.5 milligrams bekbekzong tui 1 Liter tawh gawmkhawm in kidawnkha hileh mihing te adingin gu piangsak a, lauhuai mahmah hi ci’n Prof Con in genkhia hi.

Tuabang in sawtveipi Manganese Poisoning athuakkha tepen anunung ah akhuak siacipthei, Brain Damage thei uh cihi.

Datkhe tang (Battery) sungah akihel Lead, Mercury, Zinc, Cadmium, Arsenic cihtepen alauhuai mahmah guza (toxic) namkhat ahihi. Tuate nekkhakna hangin khuak siasakthei, kal (Kidney) siasakthei, sihui paina te susia sakthei (cardiovascular system), ta neilo in omsakthei (fertility) in alauhuai mahmah ahihi.

More: Vietnam numeikhat alupna ah Phone Charging tawh datlaih in si

Leitungbup ah Coffee tampi ahawmkhia, abawlkhia “world’s largest coffee producer” gamte pen Brazil, Colombia, Ethiopia cih gamte ahihi. Vietnam gampan inzong Coffee tampi ki bawlkhia in, Vietnam gamsung ah Coffee Manufacturer ah nasem bekbek mi 2.6 Million om ciliang hi. Sawltak #zomidaily