Dahna Pulakna: Mangpha Lia Ning Khan Vung, Kha 9 (Gualnam beh)
USA gam, Tennessee State, Nashville khuapi a teng Lia Ning Khan Vung, Kha 9 (Gualnam beh) in abeisa December 22, 2016 ni Nitak nai 10:10PM hunin Nashville khuapi sunga om Vanderbilt Zatopi panin mual ong liamsanta cihthu izakmanin Zomi Innkuan USA kipawlna in nakpitakin kidahpih, ki lainatpih hi.
Lia Ning Khan Vung pen Zogam, Tonzang uksung, New Darkhai khuami Gualnam beh, Pa Thawng Sian Muan leh Nu Niang Sian Lun ten a it mahmah a tanu uh ahihi. amau innkuanpen nuntakhuasakna anuamzawding lunggulhna tawh abeisa 2011 kumin USA ongtung uh ahihi.
Pa Thawng Sian Muan te innkuanpen Nashville khuapi bulphuh Zomite kipawlkhopna Zomi Innkuan Tennessee ah Pawlmi kiciankhat leh USA gambup Zomite sihnavaiah luangkiphamnadinga kiphuankhia ZIUSA Genvai kipawlnaah Active member khat ahihna uhtawh kizui-in ZIUSA Genvai thukhun ombangin Luangphamna sum kipiakhia dinga Paakkual khattawhzong Mangphakhakna kinei dinghi.
Hih a kipiakkhia luangphamna sumtepen USA gamsung muntuamtuampana ZIUSA Genvai thukhunpom pawlmi 8,284 valtekiangpana ongkhakkhop uh sumte ahihmanin Vaphual lungtang neia ZIUSA Genvai ah ma ongpangkhawm Zomipih khempeuhtungah idahna ilunglenna kawmkalpanin lungdamna lianpi iko hi.
I it mahmah I nauno tawh a nunungpen hunzatkhopding pen ongtungding December 27, 2016 (Tuesday) ni 12:30PM ~1:00PM kikal hunin Spring Hill Funeral Home, 5110 Galatin Pike, Nashville, TN 37216 ah Luangetnahun hidinga 1:00PM ~ 2:30PM kikalhunin tua munmahah Zomi Pentecostal Church (ZPC) Pawlpite Ngeina zui-in Rev. Michael Lian in a nunungpen hehnephunzatna leh vaikhempeuh ong makaih dinghi. Tuakhitciangin tuamunmahah daitansakna/Vuina kineidinghi.
Related: Asian Tsunami pianzawh kum 12 cingkhin himahleh misi luang 400 anei kitheinailo ~ ZD
I it mahmah I nauno ongnusiatna hanga adah akap, alunglengkhuangai Pianna nu leh pa, khuapihtuipih tanaumeltheih, pawlpimi, Zomipih akuamapeuh tungah mihingte kipiaktheihloh ibiak Vaanglian Zeisu Topa kiangpana ongpai khasiangtho hehnepna in aluang khituite ong nulsakhenla lungnoptawldamna ongguan kimciat tahen cih Zomi Innkuan USA kipawlna in thu kongngetpih uhhi. Dahpihna lianpitawh, Executive Committee, Zomi Innkuan USA, Inc. December 26, 2016
Comment piaknop aomleh...