Aituam pilna kisam ~ Tdkhen

Aituam pilna kisam ~ Tdkhen

1. Na lawmitte’ lawmte na it’sakleh a zahnihin na lawm in hongit kik ding hi.

2. Na galte’ lawmte’ tungah na galte’ hoihna na theih sun khat va gen’sak lecin a sawt lo-in a zahnih lawm na nei ding hi.

3. Khua sungah migilote a maingal’leh dan piakpiak ding hilo-in, midikte pahtawina pia leng, migilote in mun ngah nawnlo ding uh hi.

4. Hong kisimmawhin, hong kigensiatleh a si bangin om lel lecin, misite kisimmawh nawn lo-in, ki gensia nawn lo a, a pilte in a hoihna lam a gen’sak zaw uh hi.

5. “Hauhna sangin min hoihna deihhuai zaw a, kham leh ngun sangin mi’ hong thusimna deihhuai zaw hi”(Pau 22:1) a cih thu, thupi na sakleh, na hihna bangbang tawh mite thupi ngaihsut lecin, tua hipah lel hi.

6. Ei’ lawmte leh i lawmte’ lawmte kibanglo a, i lawmit khat pen i lawm ii gal na hi thei hi. Tua mah bangin a ma’ lawm zong ei’ gal na hithei hi. Tua hileh i galpa’ hangin ei lawmta kikal pilvan a kisam ding hiam?

7. I pate in a mau’ hun lai-a mite’tungah a khasiatnate hong gen thei hi. I pate i itna in a phu laknopna hong om sak hi. Tua hileh bangmah a theilo a tate’ tungah phulak ding pen ol mahmah dinga, ahi zongin a nungsang a kha mahmah ding hi.

8. Mi’ mo, mi’ta in va om khinin, i teekte’ pilna leh i pianna nu leh pate’ pilna lemtuah khawm siam leng, tua baangkua sung pen a zahnihin a khangto ding hi.

9. I kizoppihte pen i lawmte’ kizoppihte zong na hithei hi. A mau a kizopna uh-ah na kitelkhial uh henla i tungah a maute’ kikal, a thusim uh hong gen tuaktuak le-uh bangcih ding hiam? Mi kibanglote’ lawmhoih na hituaktuak thei ding hiam? A thu uh bangzah ciangin thupi a, lawmta kikhen’lawh tak’mah ahi hiam? Pawlkhatte hehbuat thei a, a nungsangah a ma’ sup nading na hizaw gige thei hi.

10.Mi khat in midang khat’hoihlohna thu na tungah hong genleh, a hoihna lam a gen’sak ding mi na muh matengin um nai kei in. Tazalute’ thugenna bek tawh thu kikhen ngeilo hi. Tdkhen