USA gam, Washington State, Seattle khuapi a teng Tg. Kam Sian Mung Kum 18 (Gualnam beh) in abeisa May 29, 2017 ni-in Pumpi damlohna hangtawh mual ong liamsanta cihthu i zakmanin Zomi Innkuan USA kipawlna in nakpitakin kidahpih, ki lainatpih mahmah hi.
Tg. Mungtawng pen Zogam, Lailo Khuami, Gualnam Beh SawbuaYisine ateng Pa Suan Thang leh Nu Nuam Ngaih Lian ten Tapasal 4 leh Tanumeikhat aneihna sungah a laizangpen ahihi. Amau innkuanpen pen a beisa November 01, 2007 a USA ongtung uh ahihi. Zomi khangno mailam maban limci tampi anei khangdawnglaipi a hicibanga ong nusiat vatmawkpen ZIUSA kipawlna in Pammaihsa leh nakpitakin kithuakpih hi.
Pa Thang te innkuanpen Washington State bulphuh Zomite kipawlkhopna Zomi Innkuan Washington ah Pawlmi kiciankhat leh ZIUSA Genvai Kipawlkhopna ah Active Member khat ahihmanin ZIUSA Kipawlna in Luangphamna sum $ 10,000.00 ( Tulsawm ) leh Mangpha khakna Paakkual khat, Zomi Innkuan Washington kipawlna Makaite tungtawnin ki piakhia ding hi.
I it mahmah Mungtawng tawh a nunungpen hunzatkhopding pen ongtungding June 04, 2017 (Sunday) ni 11:00AM hun a kipan Bonney – Watson Funeral Services and Cemetery, 16445 International Blvd, Seatac, 98188 ah Shalom Mission Church (SMC) Pawlpi Senior Pastor Joshua Mung makaihna tawh a nunungpen hehnep hunbawlna kineidinga tuakhitciangin tuamun mah ah vuina kinei dinghi.
I it mahmah Tg. Mungtawng ongnusiatna hanga adah akap, alunglengkhuangai pianna Nu leh pa, Pianpih sanggam laizomteng leh Beh leh Phung, khuapihtuipih tanaumeltheih, Pawlpimi, Zomipih akuamapeuh tungah ibiak Vanglian Pasian khasiangtho in aluang khituite ong nulsakhenla lungnoptawldamna ongguatsak kimciat tahen cih Zomi Innkuan USA kipawlna in thu kongngetpih uhhi.
Dahpihna lianpitawh,
Pa Tual Sawm Lian
Secretary of Genvai
Zomi Innkuan USA, Inc.
Tulsa, OK
June 01, 2017
Comment piaknop aomleh...