Myanmar tawh gamgi aom khuakhat ahi Thai gamsung Mae Sot ah kumpi thunei te’n siansuahna “Crackdown” nei uh a, Kawlgam pan nasem in apai Myanmar migrants mi 300 val kimankhia cih DVB pan kizasawn hi.
Thai kumpi thunei te’n Mae Sok khuapisung bekthamlo, khuapualam Factory neuneu omna leh nasemte omna te khempeuh ah Crackdown bawlkawikawi uhhi ci’n Joint Action Committee for Burmese Affairs pan Moe Gyo in genkhia hi.
Hih Mae Sok aom Myanmar Migrant Workers tepen atamzaw anasep uh ahihleh Factory, Construction, Agricultural Sector cihbang khawngpeuh ahihi.
Thai leh Myanmar gamgi kikal ah aluang Moei River dungteng ah aom khuaneu khuata tengzong Crackdown bawlgawp uhhi. May 14 nipek panin akipan uh hi a, kumpi theihpihna aomlo nasepna Workplace khempeuh leh nasem te amanpahpah uh hi ci’n Moe Gyo in genbeh hi.
Tua luidung ah nasepna khempeuhphial pen kumpi tungah Register akibawl cihbang peuhmah ommello in, nasemte zong Permit kician anei omlo hi. Tuahang in Myanmar illegal migrant workers akiman avekpi in 300 val phatading hi ci’n genkhia hi.
Myanmar Workers te Permit omlo, bangmah lahtheihding laidal aneilo tepen thongsung ah kidenna in, tuakhit ciangin Kawlgam ah ki puakkikzel hi.
Hihbang in Kawlgammi nasem te amatgawp uhhangin nasepnei Employers tepen Thai Police te’n bangmah cihselo uhhi.
Related: Thai gamsung ah migilo te’n innkuan khatsungpan mi 4 kaplum, 2 liam ~ ZD
Mae Sok khuasung bekbek ah Kawlgammi nasem “Migrant Workers” akigawm in mi 250,000 bang phading in ki ummawh hi. Tualak ah mi 80,000 bek Thai Labour Office ah Register kibawl cih kiza hi. ZD Sawltak #zomidaily
Comment piaknop aomleh...