Covid-19 Alert VI: Coronavirus Stimulus Relief pan akipia huhna sumvai

Covid-19 Alert VI: Coronavirus Stimulus Relief pan akipia “direct check payment” huhna sum vai:

Abeisa Monday in “COVID-19 update XI” ah i suahsak khit mah bangin Pu Trump thu siamna tawh tuni (Wednesday) ni in huhna sum “direct check payment” pen i bank deposit ah atamzaw hong lut ziah ziah ta aa, akua ma peuh aading phattuamna, lungnopna, lungdamna tampi i mu khia hi. Check tawh aki khak ten pen tu kal sung mail pan ngah tek dingin kilam en hi.

Hih huhna sum pen i vekpi aa i ngah kim tek ding hi aa, i tax return status (e.g. sum liau kik) cih te tawh kisai het lo hi. Pawl khat alut nailo om aa, alut nai lo te in anuai aa website link ah pai in information amanlang takin i phih (fill-up) ding ahi hi. Weblink: https://www.irs.gov/coronavirus

Filers: Get Your Payment – hih option pen 2018 or 2019 tax return bawl khin in huhna sum alut nai lo peuh mah in “get my payment” acih na pai (click) in akisam information teng amanlang thei thei in phih ding ahi hi. 2018, 2019 tax return information, direct dopsit information, mailling address cih te kisam ding hi. Hih i phih khit ciang asawt lo in huhna sum hong lut ding hi.

Non-Filers: Enter Your Payment Info Here – hih option pen 2018 or 2019 tax return abawl lo te aading ahi hi.U.S. citizens, resident aliens (greencard, refugee/asylum) i hih kul aa, Social Security number i neih kul hi. Personal information pawlkhat zong kisam ding hi. Adiakdiak in atung thak tax file manlo te, income $12200 nuai siah ten zong hih pan bawl thei dinguh hi.

Hih COVID-19 hangin haksakna kawlkal pan i Kumpi te in hi bangin mipi te aading huhna sum hong geel sak uh pen lungdam huai mahmah in thupi mahmah hi. Topa in i Pu Trump leh i uk Kumpi te thupha hong pia hen aa, hih pulnatna pan i suahtak zawh hang hong siam ta hen. Thomas On Sian Mung (Thomas Mung Guite) Washington D.C April 15, 2020