Sangnaupang “College Student” te apainopna ah puaklo in lamkal ah akhiaziau Uber Driver kimanta cih theStar pan kizakbeh hi. Tuapa pen kum 31 aphakhin khat nahi a, zanni Tuesday ni in kimanta hi.
Selangor police chief Comm Datuk Seri Abdul Samah Mat in agenkhiatna ah Malaysia, Kuala Lumpur, Cheras sungah Uber Driver khatin College Student mi 2 te apainopna puaklo in khiaziau cihi.
Tua akhiatna panin Motorcycle tawh migilo damiah te’n aneihsa teng uh nasuhsak, bekthamlo in ami mahmahzong navel sawnsawn uhhi.
Tua buaina akipat nadingin Uber Taxi tungpan akhiapa, mawtaw hawlpa pen Tuesday zankimlam 12:45am in Kajang vengsung pan kimankhia hi.
Police te’n Motorcycle tawh damiah ataih migilo guta nihte zong azonsan laitak uh cihi.
Atuahsia College sangnaupang nihte pen abeisa Sunday zingsang 3:30am hunpawl in Jalan Ampang panin Cheras Perdana ah aciahding in Uber Taxi zatding Booking abawl uh ahihi.
Ahi zongin apainopna hoihtak khalo in lamkal ah Uber Driver in khiaziau cimawk hi. Booking akibawlna Phone pen suhsak in, apainading Destination pen Cheras Perdana acih uh himahleh Taman Murni Batu 9 ci’n laihsak a, tuaciangin lamgei ah khiasuk in taisanziau cihi.
Related: Uber Taxi in apainopna puaklo in lamkal ah akhiatkhit ciangin damiah te’n bawlsia sawnsawn
Tua lamgei ah akhiatna panin Motorcycle tawh mi 2 in damiah taihin aneihsa teng asuhsak banah amizong vuak athuak sawnsawn uh ahihi. ZD Sawltak #zomidaily
Comment piaknop aomleh...