Malaysia gamsung aom Private College khatah sangakah “College Student” mi 2 te Nightclub panin aciah uhciangin Uber Taxi tawh ciahkhia uhhi. ahi zongin Uber Driver pa’n tua sangnaupang nihte pen Cheras, Taman Murni Batu 9 ah khiasukziau in, tualai ah Motorcycle tawh migilo damiah te’n aneihsa tenguh suhsak in bawlsia cih NST pan kiza hi.
Tua sangnaupang nihte pen kum 24 tuak uh hi a, abeisa Sunday zanlam in Jalan Ampang panin Cheras Perdana ciahdingin Uber Taxi asap uh ahihi.
Uber mawtaw sungah alutkhit phet un mawtawhawl pa’n a phone suhsak in, Uber Taxi pen apainading Cheras Perdana acihpen Taman Murni Batu 9 ci’n laihsak cihi.
Tuamun atun ciangin tua Uber Driver in sangnaupang nihte khiasukziau in, lamgei ah nusia in taisan hi.
Tualeh Motorcycle tawh atuang mi 2 agei ah khawl uh a, ahuhding asak uhleh migilo damiah nahi sawnsawn uhhi. Mi muhloh nading munkhat ah paipih uh a, tualai ah Motorcycle Helmet tawh sakgawp uhhi.
Asum neihteng, Mobile Phones leh nai “Watch” cihte avekin laksak in nusia uhhi.
Tua sangnaupang te lakah khatpen amuk liamgawp ahih manin 6 vei kikhui cihi. Akhatpa zong amitgei liamgawp in kikhui cihi.
Kajang police chief Assistant Commissioner Othman Nanyan in hih buaina Incident pen ki kancianlaitak ci a, Police te’n Uber Driver leh Motorcycle migilo te zonsan uh cih kiza hi.
Related: Nupi naupaai khat Uber Taxi tungah damiah tuak ahih manin anau tolh “Miscarriage”
Bawlsiat athuak sangnaupang Victims te ii meltheih khatinzong Facebook tungah Uber Taxi zatciangin kidop huai mahmah cihthu gelhkhia hi.
Tusungteng Malaysia gamsung ah Uber Taxi ii hoihlohna hongki genlitlit hi. Uber ahi zongin Grab ahi zongin, Taxi mawkmawk te ahi zongin Taxi khatpeuhpeuh ihtuan ciangin khatguak ihhihleh ahawlpa geilian ah tutlenlan sangin anung ah tu hithiat leng hoihzaw hi. Abeisa buaina te, adiakdiak in Passenger numei kisawkphei cihte pen ahawlpa gei ah atute hizawdeuh hi. ZD Sawltak #zomidaily
Comment piaknop aomleh...