Tulaitak aminthang Australia gam paitheihna (842 & 681 Form)

Tulaitak aminthang Australia gam paitheihna (842 & 681 Form)

Gam 2 na om te sung ah tu lai tak a laang mahmah thu pen Australia gam ah pai theih na ding a hihi. Tua thu tawh ki sai in, kei theih na ciang tawm hong hawm sawn nuam ing.

1 . Australia gam ah a tung khin sa te address ki pia thei hi. A hi zong Ta nau a hih kei leh Inn kuan pih taktak ( Case sung om te) te hi leh hoih pen hi .

-Ta Nau lo tawh zong address ki pia thei aa, a hi zong , tua te pen UN Card nei te bek siau leh hoih pen hi.

2. Tua na address piak te pen , na beh min( Family Name) ki bang leh hoih pen hi.

3. Tua address na piak te lo a dang meltheih mi mal or inn kuan 5 piak kul aa, tua te ii address, Date of Birth leh ki nai na ki sam hi.

4. Gam 3 na om te in Australia a tung khin sa ta nau te (case sung ah a om te )pen UN Card kul lo in, Community card te tawh zong ki siau thei hi. Tua te in zong Address / DOB cih te, a dang 5 mah piak kul veve hi.

5. UN card ngah nai lo te in, address mawk mawk piak tawh a hi zong, meltheih mawkmawk tawh a hi zong siau leng ki ngah aa, a hi zong lam et om pha lo hi. UN card ngah khin te in Meltheih mawk mawk address tawh ki siau thei aa, a hi zong 100% hi lo hi.

6. Case sung ah a om te pen Comunity Card tawh ki siau thei aa, kei theih ciang ciang ei mi sung ah mi 6 bang om aa, Hakha , Matu, Zophei, Lautu lam te a hih leh tampi om khin hi. ( note: Case tawh zong ki sai aa, nug aa hong ki suak sak sa Pu Zokhai gen , Refugee Status tawh na ki tuak kei leh ki ngah tuan lo hi.)

7. Tua 842 tawh mi sap te pen, Australia gam ah 202 visa tawh hong tung ding aa, a hi zong om na ding inn leh, inn sung van zat te ngah lo ding uh hi. Medicare leh Centrelink a hih leh ngah ding uh hi. Van leng sap zong ei leh ei lei kul hi.

8. 842 form pen Gam 2 na om te in fill up ding leh sign thuh ding ki sam hi. 681 form pen Australia ah a om te ii fill up ding leh sign thuh ding a hihi.

More: Australia gamsungah Refugee te luttheih nading Program thak “Community Support Programme”

9. Australia lam pan bank card, medicare, driving licence leh visa te copy ( certify) tawh puak khawm leng hoih pen hi.

*## Kei theih dan kong hawpsawn na bek hi aa, 100% ki ci gam lo hi. deihsak na bek mah hi.

Lamhkim Samte
Zomi Media
Melbourne