China ah vanzuak khatleh vanlei khat pekkhat hangtawh kitawng in a ngawng kitansak

China ah vanzuak khatleh vanlei khat pekkhat hangtawh kitawng in a ngawng kitansak

Central China ah Khauhsuai kizuakna Noodle Restaurant aneipa a ngawng kitansak ci’n South China Morning Post pan kiza hi. Hih Noodle Restaurant Owner pa kithatna pen akikan ciangin asai ah Noodle ane dingin apai Customer khattawh kikamtam uh a, tuapa in a ngawng atansak cihi.

Saturday ni in Hubei Province, Wuhan khuasung ah thupiang hi a, athatpa pen kum 22 aphakhin khat ahihi. Anhuanbuk sungah azat uh temta “Kitchen Knife” khattawh a ngawng atansak hi a, tuapa zong palik te’n mankhinta uhhi.

Aki thahna pen Noodle zuakna saisungmah hi a, mulkimhuai leh lipkhak huailua ahih manin, palik te’n kuaman in hih kithahna Photo leh Video te Social Media tungah khahkhiatloh dingin thupia uhhi.

Aki thahnathu taktak akidotcian ciangin Customer pa in Noodle kuang 3 vaikhak cihi. Azuakpa inzong Noodle kuang 3 abawlsak khitciangin Customer pa kiangah apiakciang sum avalin pekkhat (Chinese Yuan) hongla teh ci’n kitawng uh a, tuapan in akipan cimawk hi.

Police te genna ah a ngawngpen atansak khitciangin agei aom ninbung sungkhat ah paihsak cihi.

Ngawngtat athuak Noodle Restaurant Owner papen kum 42 aphakhinkhat hi a, tuapa ii alawm khatin Newspaper tetungah agenna ah hihpa pen micitak khat hi in, mi mawkkhemlo dinghi ci’n genkhia hi.

Sensum Chinese Yuan pekkhat ciangin US Dollar $0.15 khawngbek hi a, Kawlgamsum hileh Kyat 200 zong cingzolo hi. Ahi zongin mihingpen asinso henla hileh pekkhat tawhzong ngawng kitan ngammawk uhhi. Khatveivei ihheh mahmah ciangin lungduai takin ihhehna te ngaihsun kikleng nuihzak huai liangthei hi. Lungduaina pen gualzawhna khat higige hi. Laisimkha khempeuh alungduaizo semsem dingin Topa’n thupha hongpia tahen! ZD Sawltak #zomidaily