Malaysia ah Chin tekhat Rakhine te’n temta tawh dawtliam

Malaysia ah Chin tekhat Rakhine te’n temta tawh dawtliam

Malaysia, Klang Lama aom Sen ansai ah nasem Chin te pasalkhat temtawh kidawtliam cih kiza hi. Tua adawtpa pen Rakhine pasal khat hi a, nasemkhawm uh himahleh, ki kamnial in kitawng theizel uh a, Rakhine pa’n temtawh adawt ahihi.

Hih thupiang pen Monday (October 09) ni in Klang Lama, Batu 5 aom Chinese Restaurant khatah nitaklam 8pm hunpawl in thupiang ahihi. Temtawh dawt athuakpa pen amin Salai Hei Hei kici a, temtawh adawt Rakhine papen Maung Maung kici hi.

Salai acihpa pen Kawlgam ah Tamu khuasung ah ateeng khat ahihi. Salai ii alawm Laiboi kici khatin agenna ah tua temtawh adawt Rakhine pa’n abeisa inzong Salai pen phinthei zelzel cihi.

Tua akidawtni pen hih akitawng tenih nasep khawlni, Day Off ahihi. Rakhine pa’n zukham in, Salai pen phinleuleu hi. Tua Rakhine pa’n akhut sungah temkhat pua in, tuatawh Salai ii anunglam dawtsak hi.

Aliamma pen nasia mahmah a, thuaklahpian mahmah kici hi. Palik mawtaw khatin amanlang in zato ah puaksak in, Oxygen tawh naksak uh a, Operation kibawlsak cih kiza hi. Temtawh dawt athuak Salai pen Christian hi a, adawtpa Rakhine papen Buddhist biakna cih kiza hi.

Related: Thailand ah Myanmar pasal khatin azi mipi muhtang in temta tawh dawtlum

Hih thupiang thutawng in nasepna ah namdang tetawh ihki thuakkhakleh kidop huaihi. Khatvei nihvei ki kamnialna ihneihkhak khitnakleh lawmte’n hiamsuang in hong gawisimthei uhhi. (khatveivei cianglah namdangte lauhuai ihcihcih samhangin ei Zomi leh Zomi mahzong nasepna ah aki satlum, omkhopna inndei sungkhawng ah aki dawtlum cihkhawng omzel veve) Sawltak #zomidaily