Zangkong Khuahun (01 Oct 2015)

Zangkong Khuahun (01 Oct 2015)

Tulaitak Zangkong khuasung Taxi khempeuh phial leh saihka/rickshaw (trishawcle) khempeuh phial in NLD te’ logo leh dialkhai(flag) suangtek uh hi. Lamdangsa ka hih man in taxi hawl khat kadot leh “Hihte suang leng passenger kingah zaw tham pah aih ciang aa tua hang hi. Mipi in bel NLD a it taktak hi” hong ci hi.

Saihka/rickshaw hawl khat kiang ah ” NLD te’n amau’ logo leh dial khai na suan manh ding in nikhat bang zah hong pia ahia?” kacih leh “Pia mawk lo e; hihte suang leng passenger ngahnop mahmah. USDP te’n bel amau’ aa suan manh ding nikhat tul 10 tawh hong cial uh. Ahih hang amau’ aa suang leng kua mah hong tuang nuam nawnlo. Passenger kingah nawn vetlo aih ciang aa kisumh zaw. Ih lawm ih gual in zong hong enkhial in nuam lo” ci ziau hi.

Kawlte’ politics pen thuuk kiukiau hi.

Nidang hun siat mahmah lai khawng in zong NLD zum ah vai khat peuh tawh va paileng taxi hawl pawl khat in taxi sap hong lalo ziau. Pawl khat in hong khiam uh cih bang dan hi.

2009 kum Union Day dinner Yankin Center gei aa Nice Restaurant ah bawl ding kacih uh pen thukan te’n na zakha uh ahih man in tua ni tua sai khaksak sese uh hi. Tua thu mipi in atheih ciang in ahon kik aa kipan mi dim zihziah den aa khot cihtak in khawng hi.

Tu laitak aki lung himawh bel;

NLD in 1990 kum lai dan mah in akhup athal (landslide) in zo leuleu ngelding aih teh ih misok te’n thukawng hong hei mawk le uh maw ! Kici tek hi.

Zomi te buipi leikei ih bat kulding dan hi

Kiu Khat Pan
Mung Laan Thang/ Thangboi
Zangkong