Central Police Force ah bangci lut ding?

Central Police Force ah bangci lut ding?

India gamah Police Force a tuam tuam BSF, CRPF, CISF, ITBPF etc. te
Army ahih lian loh hangin Security Force kici in huam hi. Indian
Police Service(IPS) bel a tuam in exam awm lo in UPSC examna pana kila
ahi hi. IAS leh IFS simloh ah a sang leh a ki lunggulh pen khat hi.
IPS officer ten SP leh DGP khawng sem uh hi.Sixth Pay Commission in
State a DGP khat Apex Pay Rs 80,000 in fixed hi. Adangte HAG pen
75,500 – 80,000 ahi hi. State neu Mizoram khawng ten DGP khat bek nei
thei in state lian ten 4/5 bang nei thei uh hi.

Central Police Force BSF, GRPF, CISF, ITBPF, SSB a Assistant
Commandant lakna UPSC ten buaipih uh hi. A hoihna khatah IGP dongin
promotion ngahto thei uh hi. Graduate kum 21-30(35 for ST) te adingin
exam theih ahi hi. Central Police Forces CRPF, BSF, CISF leh Assam
Rifles te Home Ministry nuaia om ahi hi.ST candidate te adingin kum
lamah theih siamna om bil bel banah khasum zong hoih mah mah lel hi.

Central Police Forces a Sub Inspector sem ding Staff Selection
Commission ten Combined Graduate Level Exam tungtawn in la zel uh hi.
Khatvei vei bel a tuam vilvel in Notice aki suahsak hun zong om veve
hi. Khasum zong PB-2: 9,300 – 34,800 + Grades Pay 4,200 = Rs 13,500
tawh kipan uh hi. CRPF, BSf, CISF, ITBPF, CBI, SSB te ah pasal bek
tham lo in numei zong lut theih ahi hi. Force lam ahih manin
duangcing, thahoih leh cidam kitangsam mah mah hi. Graduate kum 21
-30(35 for ST) ten exam pia thei hi. Sub Inspector pan SP leh DIG
dongin promotion om to thei hi.

Assistant Sub Inspector(ASI) pen Class XII pass te in exam pia thei
hi. Amau IGP leh DGP ten Notice suak sak in a lak ziau hun uh om hi.
Pay 5,200+ 2,800 = Rs 8,000 tawh kipan uh hi. Promotion zong amau tawh
kituak in om zel hi.
Havildar zong Class XII pass khin te adingin exam theih ahi hi. Khasum
pen 5,200+ 2,400 = Rs 7,600 ahi hi. Promotion bang tan hiam khat om
hi.

Constable a lut dingin Class X passed khinte in exam pia thei hi.
Khasum 5,200 – 20,200 = Rs 7,200 ahi hi. Zu leh kham theih a hih lo, a
sang a tai hat, a cidam leh mit khuamuhna a hoih kideih hi. Ex-service
tate ki deihsak diak hi. NE candidate te a minimum 165 cm a san kuul
hi. Midangte bel tua sang a san zawk uh phamawh hi.

Sports Quata zong Sports Discipline tuam tuam Hockey, Football,
Boxing, etc. te adingin kumsim in om hi. Security Force te nasep pen
tualsung buaina a om ciang a cing a kem ding ahi uh hi. A mawhpuakna
uh thupi mah mah hi. Galkap nautaang(constable) pen class X passed
ciangte lut theihna himahleh B.A te adingin zong lut huai lel hi. Bang
hang hiam cih leh Promotion om to zel thei hi.

Pau Tun Thang