Zogam thuthang: Mivom musolman te Ciau pan Kawlpi kipuak

Zogam thuthang: Mivom musolman te Ciau pan Kawlpi kipuak

Ka thuzak hoihsa keng
Mivom musolman te Ciau pan Kawlpi dong kha leng mi khat teh tul 70 kingah ci uh.

Sun pai leng ong kithei ding aih ciang a zanpai ziau ci. Alu uh khuh ziau leng kuamah in theilo ci uh. (Shan gam ah bel tuadan a na simsep te’n khuamial lak ah mawtaw saikel ahawl zialzial uh ka mit mahmah tawh mungei ing).

Ka thuzak man thei manlo thei.

Ong gente bel muanhuai. A man ahih mawk leh hoihsa kei mawk ing.

Rakhine gam a musolmante Zangkong a ut mahmah lam uh bel katheih sawt. 2010 Kum laipek hi. Zomite US ih utzah a amau Zangkong a ut uh hi. Zangkong tung leh suakta uh hi.

Tua hi in Ciau pan a honglutte Zangkong paisuak uh ahih leh phamawh lua kholkei in kawlpi kiim khawng a busa uh ahih mawk leh dah huai mahmah in um ing ei guai. Tua dan ih muh ih theih khak leh thuneite’ tung report khial kei ni ei guai.

Zingciang pen 9/11 (Nine Eleven) kici leitung alinglawng sak ni minthang khat hi.

2001 kum September kha 11 ni a New York a WTC (World Trade Center) taupi misokpu Binladen in vanleng tawh ataih tuk ni hi. (WTC haltum leng leitung sumzuakna aki songsawlawi gawpmang ding sakha hileh kilawm).

Musolman tading a nihoih nipha ahi hi. Hih ni in kawlgam khuapite, adiak in Zangkong, ah gamtang ding uh cih thu lengzau tam mahmah hi.

Piang ken teh cih theih omlo ahih man in kidop kan omlo ding hi. Ahih theih liai leh September 11 ni Zangkong om pawl koimah paikei leng hoih pen ding hi. Mun dang a omte zong kidawm leng khialh omlo zaw ding hi.

11 ni amau’ nihoih nipha hi in 12 ni a kipan UN khawmpi kipan ding hilai hi. Daw Su zong tua khawmpi ah vakah ding hi. Daw Su’ omlo kal kawl kapno te’n banglo khat hong hih mel uh zong kitheilo hi.

Related: Zomi Party thak vai tawh kisai holimna ~ Pu Thangboi

Ih omna ciat ah Pasian’ thumah lungngai in Ama’ Khanuai mah beel tek leng lungnop khamuanna ompen hi.

Note’ itna sung ah
Mung Laan Thang
Zangkong