USA, Indiana aom sanginn khatah thau kikapna piang, mi 2 liam

USA, Indiana aom sanginn khatah thau kikapna piang, mi 2 liam

USA, Indiana State sung aom sanginn khatah thau kikapna pianga, mi 2 liam cih Reuters pan kiza hi. Friday zingsang lamin thupiang hi a, sangsia khatleh sangnaupang khat aliam uhhi ci’n Police te’nzong genkhia uhhi. (Photo: Police te’n Noblesville West Middle School panin sangnaupang te aki hepkhiatsak laitak)

Hihvai tawh kisai in News Conference akibawlna ah thautawipen pasalkhat hi a, amahzong sangnaupang khatmah hi in tulaitak Police te khutsung ah kimankhin hi ci’n Noblesville Police Chief Kevin Jowitt in genkhia hi.

US gamsung aom School leh College te ah thaukikapna thuthang pen kiza pahpah a, hih Indiana Middle School ah thau kikapna pen anunung hiphot hi.

Jowitt te pulakna ah Friday ni Noblesville West Middle School ah thaukikapna hangin aliampen sangnaupang khatleh sangsiakhat hi ci’n genkhia hi. Local TV Station WTTV te’nzong aphual ah adelhna uh suaksak uh a, tua sangnaupang aliam te adingin ki khasiatpih, ki lainat mahmah cih pulakkhia uhhi.

Police Chief in agenkhiatna ah hih Noblesville West Middle School sanginnpi ah sangnaupang bekbekpen 1350 bang akah hi a, thau kikapna apian ciangin tua sangnaupang te kihemkhia sakpah cihi.

Thau kikap apianhun pen 9am panin akipan hi a, Indianapolis City panin tai 25 Miles bek agamla cihi. Buaina apian ciangin kumpi thunei te’n tua sanginn pen avekin khakcipsak in, Lockdown ah koihsak cihi.

Hih thau kikapna vaitawh kisai in ageinai panin amukha Witness khatin agenkhiatna ah thautawipa pen Science Class sungah lutin sangsia khatinzong athautawi pen na satkhiatsak cihi.

Indiana University Methodist Hospital panin Spokeswoman khat ahi Danielle Sirilla in agenkhiatna ah thaukikapna hangin aliam lakah naupang khatpen Riley Hospital for Children ah kipuak in, ulianzaw pen amau Hospital ah kipuak cihi.

More: Thai gamsung aom Myanmar Refugee mi 93 te ki ciahsak

US gamsung ah thautawh kikap cihpen kinawhzak simtham ahih manin, thulamdang luapi tawhzong kibangnawnlo khatin omphial tamai hi. Thursday ni inzong Oklahoma Restaurant khatah thautawi khatin mi 2 kapliam cih Reuters panmahin kiza hi. Louie’s Restaurant sungah thautawi khatin akap hi a, tuabangin akap ciangin tuageinai anawkkha pasaldang thaupua khatin tua ansai sungah akappa pen thautawh nakaplumpah cihi. Sawltak #zomidaily