KL, Bukit Bintang vengsung aom Entertainment Outlet khatah Operasi lut, mi 24 kiman

KL, Bukit Bintang vengsung aom Entertainment Outlet khatah Operasi lut, mi 24 kiman

Malaysia, Kuala Lumpur khuasung ah tuni Sunday zingsanglam in Police Officer honkhatin “Entertainment Outlet” khat buluh in Operasi (Operastion) bawl uh a, akigawm in mi 24 mankhia cih theStar pan kiza hi. Tua Entertainment Outlet pen Kuala Lumpur, Bukit Bintang vengsung aom khat ahihi. (Entertainment Outlet atamzaw pen numei ginalo, numei kizuak leh guihtheih khamtheih Drug zatui tuamtuam aki ngahtheihna, zu namtuamtuam aki ngahtheihna te hiphadiak hi)

Hihvai tawh kisai in palik thunei ahi Kuala Lumpur police chief Comm Datuk Mazlan Lazim in agenna ah Police Officers honkhat in Bukit Bingtang vengsung aom Entertainment Outlet khat ki buluh, Raid kibawl in, tua Outlet sungah aom nasem leh akimaw Patrons mi 31 te thusitna kinei cihi.

Tuabang in thusitna aneih uhciangin, guihtheih khamtheih azanghiam ci’n azun uhzong “Urine Test” kibawl a, tualak ah mi 24 tepen Drug zatui zang cih kimukhia ahih manin, aki mansuak uh ahihi.

Tua akimansuak mi 24 tepen “Section 15(1)(a) of the Dangerous Drugs Act 1952” thukhun tawh kizui in thu kibawlding hi ci’n Police Chief in genkhia hi.

Tuabangin Urine Test bawlna panin Drug azangte tungpanin vankham pawlkhatzong kimankhia hi. Tua akiman vankham tepen Methamphetamine leh Ketamine akici zakang namkhat ahihi.

More: Malaysia, Bukit Bintang kuamsung tengah Operasi lut in gamdangmi 125 kimankhia

Adang muanmawhkhat tungpan inzong Ketamine kici zakang Drug te avui akigawm in 24 g ki mankhia hi. Hihbang in Entertainment Outlet sungah Raid abawl, Operasi (Operation) abawlpen vankham Drug Menance te abeisiangtheih nadingin hanciamna tawh akisem ahihi ci’n Police Chief in Reporters te tungah genkhia hi. Sawltak #zomidaily