Bolivia gamah Nurse pasal khatin asisa numeikhat ompih ahih manin kiman

Bolivia gamah Nurse pasal khatin asisa numeikhat ompih ahih manin kiman

Bolivia gamsung ah “Male Nurse” asem pasal Nurse khatin misibuk sungah misi numeikhat na ompih, mawhpih ahih manin kiman cih Straits Times pan kiza hi. Tua Bolivian pasal Nurse papen kum 27 aphakhin khat ahihi.

Bolivia Local Media te genkhiatna ah tuapa pen Nursing Assistant Grover Macuchapi kici a, La Paz khuasung aom Hospital de Clinicas ah akiman ahihi.

Misi numei pen pasal aneikhinkhat hi a, kum 28 aphakhin khat ahihi. Tuap natna “Lung Disease” tawh tua numeinu pen asi hi a, asihzawh asihkhitzawh asawtlo in misi kikoihna misibuk “Morgue” sungah akimu ahihi.

Abeisa Monday ni zankimlam in Hospital de Clinicas ah thupiang ahihi. Apasal in azi asihkhit ciangin sum piakdingteng Bills leh Paperwork akisamteng apiak khitciangin zato panin aciah khiading in apai ahihi.

Tualeh azi akikoihna misibuk “Morgue” sung a etleh azi kikoihna ah pasalkhat bombi suahsa in ading galmuh cihi. Tuapan in asisa azi pen Male Nurse khatin aompih ahihlam theikhia a, abombi pen asiatmit dongah suahsuk in, asisa azi luanghawm pen nabuansak cimawk hi.

Tua Nurse papen Police te’n manpah uhhi. Ahi zongin Bolivia gamsung ah “Necrophilia” akici misisa tawh aomkhawm te thukhen nadingin thukhun omnailo, bangci bangin Criminal Penalty kipiading cihpen omnailo hi.

Bolivian Police te’n bangci bangin akhauhthei penpenin mawhnadaan kipia theiding cih kansan uh a, khauhtak in gawtna daan kipiading cihi.

Bolivian police chief Douglas Uzquiano in agenkhiatna ah hih numeipen asihkhitzawh asawtlo in misi koihna Morgue ah aki tuahphei hi a, apasal tektek in asisa azi luanghawm aki bawlsiatlam tuakkha cihi.

Apasal in tuabang in agamta Nurse pa amuh hehmahmah a, Security Guard te atunmateng benggawp, tumgawp hi.

Tua Nurse papen hih Hospital ah asepzawh kha 6 khawngbek hipan a, bangthupiang, bangci bangin gamtakha cihpen ka ngaihsunkik theinawnkei hi ci’n genkhia hi.

Related: Malaysia ah pasal khatin apianpih asanggam numei 3 buan ahih manin kiman

Khuaphawklo bangdan in ka omcip a, banghang in hihbang in gamta kahiam cihpen ka ngaihsun theikei hi. Ka phawkkik ciangin kanung panin apasal in hongtum ahihlam katheipan hi ci’n genkhia hi. Sawltak #zomidaily