Russia gamsung World Cup kimawlna Stadium tualpikhat kicim

Russia gamsung World Cup kimawlna Stadium tualpikhat kicim

Russia gamsung ah World Cup kimawl nadingin aki lamthak Stadium khat World Cup amanni Sunday ni in kicimpah cih Reuters pan kiza hi. Tua World Cup Sstadium pen guahtui tamluatna hangin akhanglam ah leitolhgawp in akicimsuk ahihi.

Russia, Volgograd City sung aom Stadium aki lamthakkhat hi a, Photo aki khahkhiatna ah mencipna zong ki muthei hi. Hih Stadium pen leigei khatah akilam hi a, akicip ciangin guamthukpi piangin ageinai khetawh paitheihna Sidewalk tezong buanciim tawh kidim zihziah hi.

Hihvai tawh kisai in thunei ahi Sport In Company panin Spokesman khatin agenkhiatna ah Stadium ii asunglam paninzong akehkhia om ahih manin, puahkik nadingin kalkhat sungbang hun beitheiding hi ci’n genkhia hi.

Hih Stadium ii aminpen Volgograd Arena kici a, World Cup akisulh laitak in mi 45,000 bangin a ettheih nadingin agolpi in akilam ahihi. Regional Government te ii website tungtawnin aki muhkhiatna ah hih World Cup Stadium akilam nadingin Russian sum 16 billion roubles ($257 million) bei in akilamthak sitset kici hi.

Hih Volgograd Arena kimawlna tualpi sungah World Cup akihel England, Japan cihte akipan Team 8 takin kimawlna in azatna munkhatzong ahihi.

Volgograd Government leh Sport In Spokesman te ii genkhiatna ah hih World Cup Stadium tuahsiatna pen guahtui tamlua mahmah ahih manin akicim hi ci uh a, Emergency in ki ciamteh in kibuaipih mahmah hi.

Sport In spokesman in agenbehna ah hihbangdan guahtui tamluatna hangin tuahsiatna pen kum 100 ciangin khatvei khawngbek apiang ahihi ci’n genkhia hi.

More: World Cup kimawlna khuapi ah mawtaw in khetawh lampai te ataihlaitak Video

Hih Stadium alamkhia Company tepen Stroytransgaz Company kici a, tua Company te’n ahihleh hih Stadium akicipna vaitawh kisai in bangmah genkhiat neinailo uhhi. World Cup Football kisuih amankhitlian ahih manin, phadawmlai hi. Sawltak #zomidaily