Cope Centennial Jubilee Hall (CCJ Hall)

Cope Centennial Jubilee Hall (CCJ Hall)

Zomite’a ding kha thu, taksa thu ah hong pantah hong khansuah ahi sangmang Cope topate 1910 Nov 1 ni-in Tedim khua hong tung uh a, 2010 Nov 25-28 sung minambup in angtang tak le lungdam tak in kum 100 pawi kikhaam hi.

Cope topa phawkna in Tedim khua sangmanghuang sung ah Cope Centennial Jubilee Hall (CCJ Hall) khat (144’×90’×20’) kilam a, sangmangte gamh’ kepna, phawkna ahih man in minambup neihsa ahi hi.

Gamsung, gampua a om thu um mite’ kihelna, mapanna,thasanna tawh maban kizom toto a, nasep maban aom bangbang minambup tang in Tedim Baptist Convention in vaipuak la hi.

Nasepna maban tetawh kisai in –

– 2016 kumsung in Holly Land Co. Ltd te ap in atung teng sikkang kikhuh khin hi.

– 2017 Jun kha aa kipan, New Elshadai Construction Co. Ltd te ap in, akiim teng uumbit ding maban kizom aa 2017 kum beima in kizo ding hi.

CCJ hall Innpi kizo leh kuamah deidan nei hetlo in mipi kikaih khopna, phualpi hongsuak ding aa, Cope topa phawkna, zahtakna, i biak Pasian leh minam bup muanna tawh akilam ahih mah bang in, ikihel nasa te ah nakpi lungdamna thu kiciam teh hi. Kihelna te mualsuang tung ah at in kiciam teh hi.

Tua hi aa, nasep maban te zawhsiang theih nading in, anuai aa bang in ma ipan tek lai nading in Topa’ mintawh hong kithum hi.

• – Leisek tang khat Ks 180/- (Tang 45198 kisam)
• – Bilatmi ip khat Ks 9000/- (Ip 446 kisam)
• – Sehnel cubic feet Ks 850/- (Cft 1544 kisam)
• – Suangsi Cubic feeet Ks 1100/- (Cft 455 kisam)
• – Siktawn ton khat Ks 700,000/- (Ton 2.75 kisam)
• – Sikkhau tawi khat Ks 2500/- (Tawi 15 kisam)
• – Padenpeuh vang khat Ks 314,000 ( Vang 15 kisam; 6’×5’ 11”)
• – Kongpi vang khat Ks 401,625 (Vang 2 kisam, 8’6”×5’3”)
• – Khuam kaak khat maan(glass) Ks 771,750 (Khuam kaak nih)

Stage/ Pulpit tung aa ding

– Bilatmi ip 40, suangsi cian 20, sehnel cian 25, sik ton 6.5 kisam hi.

Hall lutna: Baya kongkhak vang khat Ks 3,630,000/- (Vang 2 kisam)

Lam etna lianpi tawh;
Rev. Vungh Suan Mung
General Secretary
Tedim Baptist Convention
Source: Zingsol