British Airways vanlenghawlpa akhut in akalkawm ah zutzut khat nanei

British Airways vanlenghawlpa akhut in akalkawm ah zutzut khat nanei

British Airways vanlenghawl Pilot papen vandawn pi 38,000 asanna pekpek ah alenlaitak in akhutme te mawk omsak hetlo a, akalkawm tengah zutzutkhat naneimawk ahih manin vanleng ki hawlsak nawnlophot cih thuthang the Sun UK pan Saturday ni in kiza hi. Tua vanlenghawl Pilot pa minpen Captain Colin Glover kici a, kum 51 aphakhin khat ahihi.

Captain Colin Glover pen pasal totak himahleh numei te sungten Stockings te tengphetphat kawmin, vandawn ah anasep ahi vanleng ahawlkawm in akhut in zut hialhial khat nei a, tuapen amahleh amah Selfie nakizaih sawnsawn hidinghiam, Photo te Social Media tuamtuam ah hongki thehzak in minsiat leh minthang thuahkhawm hi.

Atung a photo pen Captain Colin Glover in Boeing 777 vanleng tawh khual gamlapi Long-haul Fligh azinlaitak akizaih hiding in kigen hi.

Photo khatsung bangah Pilot pa in vanleng Control Room sung aom Dashboard tungah akhe khuangphei hiat huat kawmliang in kizal deldal hi.

Tuaban ah agei ahzong nungak puansilhlo limpawlkhat laibu kilemsa in om ci uhhi.

British Airways pan thunei te’n hihvai tawh kisai pen ki thupilak mahmah hi ci’n genkhia hi.

Captain Colin Glover pen zi nihvei anei ngeikhinkhat kici a, British Airways h Captain aseppen 1990 kumpetpan ahihi.

Airline expert Chris Yates in agenna ah hihmawk peuhmah pen vandawn ah alenlaitak ahih mawkleh nak lauhuai khiamahmah hi ci’n genkhia hi. A vanleng hoihtak alensak theihlohding lauhuai mahmah hi ci’n genbeh hi.

Vanlenghawl Pilot pipi abangci himawk dinghiam, thulamdang khat ahihi. ZD Sawltak #zomidaily