Biography of Pu T. Gougin

Biography of Pu T. Gougin

01. Pu (L) Thangkhotual leh Pi (L) Nemzavung tapa upapen, 1926 in Mong-on ,Thanlon Sub-Div. ah piang hi.
02. 1932 in Mong-on L.P. School ah kah hi.
03. 1943 in Army Boy in lut a, Army lam siamna (Education) 1st Class in 1948 in nazo hi.
04. 1953 in a zi Nouzanem tawh kiteeng uhhi. 1955 in Tribal Development ah Clerk nasep tawh I.A. sim a thuo hi.
05. 1959 in UMZO phutkhia a, Secretary in a pang hi.
06. 1959 in Tuaitengphai ah H/S a na hong hi.
07. 1960 in St. Edmund College ah B.A. Economics ( Hons) a zo hi.
08. 1962 in Lecturer in Churachandpur Higher Secondary School ah a pang a, M.P. Election ah a ding hi.
09. Newspaper tuamtuam – “Young Democrat”, “Young Zomi” leh “Thuthang” a na pankhia hi. (Thuthang -1971 in a pan a, Zomi thu a tangkopi hi).
10. 1966 in Gauhati University nuai ah M.A (Eco) a na zo hi.
11. 1971 M.P. Election a na ding hi.
12. 1972 in Z.N.C. a na phutkhia hi.
13. 1974 in M.L.A. Singngat A/C ah telching ahi a, Deputy Minister (Co-op) a na tu hi.
14. 1988 a ZORO phutkhia te lah ah pang hi.
15. Ta pasal 5 leh numei 4 a nei hi. 2002 in Hattuom Upa Ordination December 15, 2002in a tang hi.
16. Pu T. Gougin pen mi kuhkal leh taima a na hizing a, a siltup thupipen khat ahileh, Zomi pumpi gawmkhawm ding cih ahi.

A tanchin Bu a a na gendan in Laibu 500 val a na sim zo a, tuate lah ah anuai ate a lunglutna pen in a
gen hi.

01. Discovery of India : Jawaharlal Nehru
02. Profiles in Courage: John. F. Kennedy.
03. A Treasury of the Worlds Great speeches.
04. Principles of Social Reconstruction : B. Russell
05. New Hopes of changing World : B. Russell.
06. The nature of Leadership : Arian.
07. Mao-Tse Tung & Gandhi : Bandhyo Padraya.
08. My Experiment with Truth : Gandhi.
09. If I were assassinated : Bhutto.
10. Lenin & Russian Revolution :
11. Wisdom of the west : Russell.
12. Asian Drama : Gunnar Myrdal.
13. The American Democracy : Kissinger.
14. The Frontier Man : Dr Vumkohau.
15. ‘O’ Jerusalem.

Tualeh, laibu gelh lunglut mi ahi a, anuai ateng ana gelh hi.

01. Zou Tangthu
02. They sacrifice for Mankind
03. Tales from Shakespeare
04. An Indian Army Primer
05. English – Hindustani – Paite Primier
06. War Against Poverty.
07. Martyrte Tangthu
08. ABC of Zomi Economics.
09. Zogam Novel minthang
10. Hindi into Tribal dialects.
11. Hindi Pau zilna.
12. Zoram tan Duhthlanna.
13. Zogam Kumpi pai ding dan.
14. Nehru’s Journey on Earth.
15. Two Nouns can save India.
16. Discovery of Zomi Resurgence
17. Discovery of Zoland.
18. History of Zomi
19. This is how I know Indira Gandhi.
20. Must Manipur March Ahead.
21. Too much for Tears but plunge on
22. Re-unification of Congress.
23. Revamp of Political System a must for India.
24. My Role as a Parliamentarian.
25. Gems of Late President Kennedy.
26. What life has taught me.
27. Zogam itna late.
28. Students English Grammar.
29. Life Sketch of T. Gougin

MY WILL

I too want to leave my will
even if I failed to fulfil my dream of Zoland
during my life time where
all Zomis can live together as one big family
with one aspiration,
one hope that is;
JUSTICE
for Social, Economics, Political, Religion and
LIBERTY
of Thought, Expression, Faith and
Equality of Status and
of Opportunity and to promote among
all Zomis Fraternity.
For these,
we should Fight together, Work together and
Die together.
This is MY WILL.
My second Will is
Nobody should shed tears over my mortal body but try to know my Will above.
My third Will is
over my grave this should be written :
“ Here lies a MAN who work for the Unification of all ZOMI’s and for their
Salvation, Political, Economic and Religion.
For this,
GOD ordained him to suffer”.

Itna leh zahtakna tawh Pu Gou Gin mangpha ka khak hi ~ Pu Go Sawm Khup

Pu T. Gou Gin ka itna tawh zahtakna pia in mangpha ka khak hi

Zogam leh Zomi tawh kisai in Zomi-te sung ah ka zahtak pen khat ahi, Pu T. Gou Gin in mual hong liapsanta cih thu ka zak a kipan, lungleng khuangai in ka om a, ka dah mahmah hi. Zomi buppi gosawmkhupa’ding inzong a dah huai ahihna thu tel mahmah ka hih manin hih ka dahna thu hong pulakkhia hi ingh.

Pu Gou Gin tawh ka kithuahkhak sung tengin ama tung panin gam leh minam vai, gam ki-ukna leh gam kimakaih dan, Zomi Reunification Movement India gam Politics tawh kisai thu tampi ka sinkha hi. Ka kithuah hun sung atom hangin, a sun a zan mahin a kizui ka hih manun, minam makai picing, makai kician, makai thupi mahmah khat, a etteh huai mi muan huai khat ahihna ka tel mahmah hi. Zomi sung ciangbek hilo minam tuamtuamte lak ah, kumpi thuneite lak ah a kihel, a ta khat ahih manin, ka zahtakna lian mahmah hi. Zong ka it mahmah khat ahi hi.

Pu Gou Gin pen Zomi a it mahmah, Zomi min a gum, Zomi-te minam kician khat ahihna a lamto mahmah, sak leh khang, sim leh mal khempeuh huamkim in, Zomi kici minam khat ihhihna a pholak, a kiplet mahmah Zomi makai masa khat ahi hi.

Ka mangngilh theihloh ama zia khatin, khat vei, Sugnu khua panin singtang lam, taamlak nawkin Zomi-te tenna khuata pawl khat vaan dingin ka kuan uhhi. Singtang gamteng pen kizawng mahmahlai ahih manin, Pu Gou Gin (tua lai in Ex. Minister hita) hong zin ding cih a theih uh ciangin, a hih theihtawp un kisa in, khuazang in hong dawn uhhi. A hih theih zahun ankuang hong lui uhhi. Mun khat ka tunna uh ah, Pu Gou Gin tawh khuazang in ankuang umkhawm dingin na vaihawm uh a, Pu Gou Gin leh a pawl teng an nekna ding ci-in a nuam zawdeuh dingin mun khat na kipuah hi.

Tua pen Pu Gou Gin in keikiang ah, “Khup aw, ih mite zawng mahmah ahihteh, amau ih makaih nop leh amau tawh kibang in an nekhawm tukhawm ding hihang” hong ci in, mipi an kuang umna ding a kibawl, kuangpi khat um in, sual tung ah hong tusuk hi. gougin-zncKuangpi khat sung ah buhsih leh, zawngtah akikhah buhciim kigawm, aksa tawmtawm kikhah pen ka kim a tu teng tawh sawkkhawm in ka nekhawm uhhi. Ama tutna ding a kibawl a mun nuam pen ah pitek putekte tusak hi. Ka om dan hong nuam hetlo in, ka zahtakna khang semsem hi. Annek khit ciangin, hong genbeh khat omlai a; “ih mite zawng mahmah a, hai mahmahlai hihang, tua a zawng, a hai mite pen ih mipihte hi, amaute ih makaih nop leh amau tawh kibang in ih om masak kul ding hi” hong ci hi.

Ngaihsutpak in a thupilo tawh hong kibang napi, Imphal ka tunkik uh ciangin, singtang a mizawng mihai a mipihte tawh a kibang a ankuang umkhawm pa penin Imphal Ministers zumpi sung ah kuamah kihta peuhmahlo in, uliante tawh hong kimuhpih thei hi. A mipihte a’ding in a deihsakna teng uliante tung ah tangtak in genpheipah hi. A niam pen tawhlah kithuah thei a, a sang pente tawhzong kithuah theimawk hi. Amah teekteek bang cileng, nuntakna khat sung a’ding in mihau, mi ci thei, mipil khat hi a, khuapi sung ah nuamtak in a nungta thei khat ahi hi. Zomi-te a it man, a vei man, a lung hihmawh man, a khual man, a deihsak manin, zu leh ham leh, a sak a khang ah a mipihte vaan ding, huai ding pen haksa a sa hetlo Zomi-te makaipi khat ahi hi.

Zomi-te sung ah Pu Gou Gin in ahong tuhsa khaici a pokhin hi a, a gahphat semsemna ding, a limci’t semsemna dingin khangthakte tung ah Pu Gou Gin in minam vaipuak ahong guan hita hi. Sak leh khang, sim leh mal kikhenlo in, khuapau zui a kituam bawlnate hemkhia a, Zomi min tawh minam kician khatin kiptak in ih din tawntung zawhna dingin Pu Gou Gin zahtakna piakawm in mainawt huai mahmah hi.

Pu Gou Gin ka phawkna, ka itna leh zahtakna ka piakna in ka lunglen khuangaihna hong pulak hi ingh ei.

Go Sawm Khup
Tulsa, OK. USA
June 6, 2012