Russia leh India in 5th Generation Fighter bawlkhawm sawm

Russia leh India in 5th Generation Fighter bawlkhawm sawm

Feb. 15, 2017: Russia leh India in fifth-generation fighter aircraft (FGFA) bawl khawmna dingin draft contract thukimna nei ta uh a, Russia in thukimna suai a kaih ding thukim ta hi ci-in Russiate’ Federal Service for Military-Technical Cooperation (FSMTC) Deputy Director Vladimir Drozhzhov in zan in Sputnik newste kiangah gen hi.

“Russian leh Indian galvan bawlsiam (experts) ten multifunctional fighter bawl khawmna dingin draft contract thukimna (agreement) kinei a, Russia in tua thukimna suai a kaih ding kiman khin zo a, i kipawlpih i lawm Indiate thukhentatna kingak lai hi,” ci-in Drozzhov in ci hi. Hih FGFA bawlna ding project ah a meet a pung ding lametna-a sum zatkhiatna (volume of investments) pen tu khawm-a kihona neih ding bekin sam lai hi ci-in gen beh hi.

FGFA pen Russia pansan a kibawl Sukhoi T-50 (PAK FA) fifth-generation stealth fighter aircraft hi a, tutna khat bek (single-seat) nei in, engine nih nei a, gal vanleng mun tampi a zat theih (multirole jet fighter) ding leh huih lak-a hat tuam se ding leh galdona a hoih diak se (air superiority and attack roles) dinga kibawl ahi hi. India leh Russia in hih bang gal vanleng bawl khopna dingin October 18, 2007 Russian-Indian cooperation agreement kici thukimna a neih manun hong piang thei hi.

Fifth-generation vanleng namte sanga gal vanleng hatzaw om nai lo a, Sukhoi T-50 (PAK FA) pen USte F-22 Raptor leh F-35 Lightning I 5th generation fighters gal vanlengte dem dinga kibawl hi a, amasa pen in Russia in 29 January 2010 in lengsak a, Russian Air Force ten 2017 panin zang ding uh hi. Russia leh US banah China in zong FGFA nam ahi Chendu J-20 kici January 11, 2011 in sitna na nei a,fifth-generation fighter programs group program codename J-XX or XXJ, kici bawl in, 2017-2020 kikal in zang ta ding hi. CIA director lui Robert Gates in 2020 ma-in US in China sangin “advanced stealth fighters” a leh sawm nih in hau zaw ding hi ci hi.

India in zong twin-engine fifth-generation supermaneuverable stealth multirole fighter, HAL Advanced Medium Combat Aircraft (AMCA) kici Aeronautical Development Agency ten a design a bawl uh Hindustan Aeronautics Limited in bawl hi. DRDO in AMCA pen fifth-generation-plus platform (5th generation sanga hoihzaw) 2008 in bawl kipan a, 2014 in zo hi. 2023-2024 ciangin zang ta ding hi.

Tua loin Russia tawh kipawlin Sukhoi/HAL Fifth Generation Fighter Aircraft (FGFA) bawl phatna nei a, PAK FA (T-50) tawh a kibat pian (prototype) hangin Perspective Multi-Role Fighter (PMF) version kici a, PAK FA (T-50) pumpi a van kizangte 43 kipuahpha a, tuate lakah stealth, supercruise, advanced sensors, networking leh combat avionics kipuahpha hi.

PAK FA (T-50)

• Role Stealth air superiority fighter
• National origin: Russia
• Design group: Sukhoi
• Built by: KnAAPO, NAPO
• First flight: 29 January 2010[1]
• Introduction: 2017-18 (planned)
• Status: Final flight testing/pre-production
• Primary users: Russian Air Force, Russian Navy
• Produced: 2009–present
• Number built: 8 flyable prototypes
• Program cost: US$8–10 billion (est.)
• Unit cost: T-50: US$50+ million
• Variants: Sukhoi/HAL FGFA
  Source: Sputnik and Wikipedia/ Thang Khan Lian