Thulu zui in Lai hoihsim’ Thupi tak in na ngaihsutna pia
Rev. Hau Go acih mahbang in Zotual Lai ,leh Mangtual Lai ahi ZOLAI Ithupi sakna thu’ Zomi khangno te tung ah kilang khia mahmah ih mu hi. Tu in Zotual Lai icih in Zomi diktak Pu Pau Cin Hau hong bawl khiat eimau tual suak pau tawh akigelh thei lai ahihi. Tua mah bang in Mangtual Lai akici Cope hong bawlsak (Romanized Script) tawh ei tualsuak lai i aw suahzui in igelh theih liamliam hi.
Tua ahih leh Minamdang te in amau tualsuak kampau zui in aneihsa laite uh adawl niam penpen Pre-primary pan in adawlsang pen University dong ah amau minam ciatciat genloh in minam dang mite zong hilh in sinsak uh a, Ph.D athuapthuap in pia khia ziahziah in nampi suak uh a, Zomi te zong ihamphat lawh hi. Gam tuamtuam gen loh Kawl te naleng in Kawllai tawh B.A, M.A, Ph.D,Kawllai tawh pia khia uh a, Zomi tampi in zong kihamphat lawh in ikipak hi. Tuamah bang in tu in Zotual lai leh Mangtual lai athupi tuaktuak i Zolai ahihi cih isang kim laitak ahihi. Tua ahih man in’
* Dotna leh Dawn ibawl ding hi.
1.Tua ahih leh Pre- Primary pan University dong ah isin toh ding in Zotual lai (or) Mangtual lai ibawl,igel hiam?
2. Igel zenzen leh Zotual lai thupi zaw dinghiam? Mangtual lai thupi zaw ding hiam?
3. Mangtual lai , Cope hong bawlsak lai banghang in University dong ah sin ding kigel lo ahih hiam? Banghang hiam?
4. Zotual Lai tudong in apian khiatna minam te in anuai nen nopna anualsuat nopna in banghang hiam? Namdang te in amau minam tualsuak laiciat asinnuam lo tek mah ahihiam?
5. Namdang te’n amau minam kampau tual awsuah lai tawh Ph.D dong sintheih ding in akoih uh Zomi tampi in isin theihna hang in’ Doctorate ngah iom mahbang in Mangtual lai ahi Cope hongbawl sak Zolai tawh Ph.D, DA, D.C, D.C.L, D.D.S, D.F.S, D. Litt, D.Min, D. Th, D.Sc, D.Phil, cbt mikangte Kawlte leh Minam dang tuamtuam in sinnuam ding in nalam en hiam?
6. Sin nuam hizen leh Zotual lai leh Mangtual lai sin theih ding Pre -Primary pan in University dong laibu inei hiam?
7. Cope hong bawlsak Mangtual laitawh tu a dinmun sang in a sangzaw khantohna leh lametna lai leh nate sintheihna ahi’ Leitung thu, Cidamna thu, Setvan atuamtuam te thu, Engineer siamsin nate thu, cbt Geography, Bio, Physics, History, Chemitry cih laisim/sin bu namte Mangtual lai Cope hong bawlsak Zolai tawh gelh in sin ding hi leng minam 53 in hong kisehsat minamte in hong koi ci kalsuan ding nalam en hiam?
pzl says
Zomi u leh nau te aw kei muh na ah zotual lai leh mang tual lai pen zogam ah a ki pat cil na pen Tapidaw biakna leh Laipian biakna te tawh a hong piang khawm thu khat a hi hi.Mang tual lai pen tu ciang ciang in Zomi bup in a ki khom khat dong ah ki zang khin leh ki tun khin hi.zo tual lai pen tu ni ciang dong a bu pi in om lai hi.Lei tung pai zia en leng khan toh na man lang lua ki sa a ki pha zo nawn lo kawm kal ah zo tual lai ah leh ki pat sawm leng pen hun tawh ki zui in mi te ki pha zo lo sem sem ding hi.mang tual lai pen lei tung level ah ki zang thei pah aa kawl te sang zong ki ma sa zaw khin ta hi.A hi zong thu khat ah zo tual lai zat ding a hoih na ah minam 53 te sang in identity ki cian tak in a nei leh a zang te ki hi ding aa dem zawh loh gual zawh na(nam bat-7)na a ding in hoih mah mah hi.Minam pen ki khel thei lo in lai;ngeina;biakna pawlpi;puan silh niikten—ect te a hun zui in ki puah puah thei hi.Lung dam.pzl