Bing ah na Website URL naguan nopleh

Bing ah na Website URL naguan nopleh

Nungdeuhin Google leh Yahoo! Search Engine te ah Website URL guandan ihgenkhin hi. Tua Search Engine thupipen nihte banah Bing Search Engine zong akizang mahmah vevekhat ahih manin, Bing ahzong ih Website URL te guantaak veve hi. Bing Search pen Microsoft Company te neihsa hi a, June 03, 2009 ni-in Bing cihmintawh ongki laihto ahihi. Tuama in Live Search, Windows Live Search, MSN Search cihte tawh kitheizaw hi. Bing Search ah na Website URL na guannopleh anuai abangin nasin in.

1) Amasa penin hih http://www.bing.com/webmaster/SubmitSitePage.aspx ah napai masa in.

2) “Characters:” acihna gei a Box sungah Security Code namuhdan lianin na gelh in.

3) “Type the URL of your homepage” acihna nuai ah Box khat omding a, tuasungah na Website URL nagelh in.

4) Na Website URL nagelh ciangin amai ah “http://” na mangngilh kei-in. Gtn: http://www.zomidaily.com

5) “Submit URL” na mekkhitteh Bing ah na Website URL aki Submit khitlam Manglai tawh hih bangin namu dinghi. “Thank you for submitting your URL to Bing. BingBot automatically indexes pages that meet accepted standards for content, design, and technical implementation. This change will not be reflected immediately, so please be patient and check back periodically.”

Internet tungah leitungbup panin na Website ongki muhpih dingin kongdeihsak mahmah uhhi. Lungdam mahmah hi. Zomi Daily