Zomi Nam Ni pawisimding sapna
Malaysia gamsung aom Zomi khempeuh in hongtungding 19, 20, 21 February 2015 ni thum sung Zomi Nam Ni nopcitak in kibawlkhawm ding hi. Zinmang dingin Rev. Dr. Go Cin Zam (GZA Assistant Secretary), Stephen Vocal Band panin lasiam Suanpu, ZYA pan lasiam Muanpi, Zomi Innkuan Singapore (ZIS) leh Zomi Youth Association (ZYA) Kawlpi pan hong kihel thei ding uh hi. Malaysia a om Zomi khempeuhin ih minam ni pawisimding in zahtakna lianpi tawh kong sam uh hi.
Ni 3 sung Zomi Nam Ni hun zatzia ding
19 February 2015 (Thursday) hungeelna
Amun ding : Chinwoo Stadium
Ahun ding : 11am-5pm
Thungenna : Rev. Dr. Go Cin Zam
(GZA Assistant Secretary)
Lasa ding : Zomi Idol 2014 Top 10 teng,
Suanpu (Steven Vocal Band),
Sia Muanpi (Lumbaih si cia),
Zomi Innkuan Singapore (ZIS) leh
Ngeina la sakna leh lam lahna zong omding hi. Zomi ahi thei zahzah in pawi simsawm ciat ni ei.
20, 21 February 2015 (Friday & Saturday)
hungeelna
Amun ding : ZAM Hall
Ahun ding : 11am-4pm
Seminar sung thungen ding teng
Zomi & biakna : Rev. Dr. Go Cin Zam
Zomi & Zogam : Pu Hang Khan Lian
Zomi leh mailam : Dr. Chinkhanlun Guite
Makai hoih & nungzui hoih : Dr. Hau Za Cin
(Phuitong Liim) leh
Zomi Youth Association (ZYA) Kawlpi te’n Seminar sung hun hongzang to ding uh hi.
Zomi Kipawlna Thuvanpi nihte leh Malaysia Zomi te holimna
Geel nasa ommah bangin January 9 ni-in ZAM hall ah Pu Gin Kam Lian (ZNC/ZCD Thuvanpi) leh Dr. Do Suan Mung (GZA Thuvanpi) te gel 
thugenna leh dotna/dawnna tuamtuam tawh hun limci ki mangkhawm thei hi. Amau tegel in gamsung gampua thupiang leh tulaitak ih Zogam ih Zomi te dinmun leh Kawlgam paizia te kician takin hong gen thei uh hi.
GZA General Secretary Dr. Do Suan Mung in Simleivai (Politics) a thupitzia leh a piangthak khat in minamvai leh gamvai a nawlkhin theihloh zia limtakin hong gen hi. Ama genna ah “Leitung tawnlo in vantunggam direct in kitung theilo ahih manin mihing khempeuh a dingin Simleivai (Politics) pen a ki mangngilh bawl theilo thu khat ahihi” ci hi. Himah hi, ih biak Pasian mahmah in zong leitung mihingte hong vei-in ih nuntaakzia hong puahpha nuam ahih manin khat bek a neihsun a tapa Zeisu leitungah hong sawlsuk tangial hi. Politics thupilo hi leh Pasian in a teeltuam Israel mite a makaih dingin makai picing, gaalkap hangsan leh kumpi liante na pialo kha ding hi. Dr. Do Suan Mung in Laisiangtho sung thute pansan in Politics a thupitzia kician takin hong genna tawh ki zui-in piangthak kici a minam itna leh veina a neilo, makai hibuang a makaih mite lampi maan a totpihlo te a dingin khanlawh huai in kipuah phat huai mahmah hi.
Tua tawh akizom in ZNC/ZCD Party panin Thuvanpi Pu Gin Kam Lian in thugenna hong nei pah hi. “Zomi thu pen Zomi mah in gen leh hoih pen ding hi” cih tawh Pu Gin Kam Lian in a thugen hong panto hi. “Tua ahih manin Kawl Party pangbello inZomi tawh atuam din ih hihi. Tua mah bangin namdang Party pangbeel in ei Zomi thu va gengen mawk le hang ei thugen kuaman hong ngaihsaklo ding a, kuamah in zong hong gensaklo ding hi” ci hi. A thugen zomto kik a “Tua ahih manin Zomi Party ZNC/ZCD a kiphuan hi-in, tun kum 25 val khinta hi. Ahi zongin muh theih ding gualzawhna ki nei nailo ahih manin mipi in zong hong muangzo taktak nailo uh hi” ci hi. Ahi lua hi. Bang hang hiam cih leh Democracy maanlo omna Kawlgam sungah Party te’n nasem thei taktak nailo uh hi. Thautawi a gamlak zuatna tawh kisai ama genna ah “Thau tawi khempeuh a hangsan cihna hilo hi. Thau tawilo khempeuh zong a meidawi cihna hipah tuanlo hi. Ko thau tawilo teng pen Kumpi te’n a ut hunhun un hong tuahkhia thei uh hi. Tua hun ciangin lau in ka taai keei uh hi” ci hi. ZNC/ZCD in minam ading Kumpi tungah thu tawh la tawh asep khiatna te zong tomkim takin hong gen a, mipi te’n ih muhpih loh lawhcinna te leh ih theihpih khak loh amau thuakna te zong hong gen hi.
Chin tawh kisai ama genna ah “Chin te pen amudah leh ahua keei hilo hi hang. Ahi zongin amau hangin ei Zomi te’n phattuamna khat zong tuni ciang dong ngah nailo hi hang. Ei Zomi pawlkhat amau sungah ih va kihel zelna hangin ei vaang tawh amau phattuamna tampi ngah lawh zaw uh hi” ci hi. Hih thu ah ei Zomite mitvaak huai in, pilvaan hun mahmah ta hi. Bang hang hiam cileh Chin ih ki cihna hangin hamphatna khat zong ngahlo ih hih leh Chin ih ki cih loh manin zong supna om hetlo ding hi cih thu kilang mahmah hi. Ei innkuan sungah kial tung napi bang hangin midang te an leh tui va pia thapai masa ding ih hi hiam? Chin makai khat tawh USA ah a kihona uhhibangin gen hi, “Chin leh Zomi bangci kipawl kik theih ding ih hiam? ci-in hong dong a, ken bel Chin leh Zomi kigamla lua mahmah ta ih hihman in ki pawlkhop kik theih ding baihlo kha ding hi ka ci hi” ci hi. ZBC tawh a kipawl khawm kimlai amau CBC tawh hong laih khit nungsang ei Zomi te’n nungdelh a ih va mai-et keei a kulna khat zong omlo takpi hi. Ahih hangin Chin te ahua leh amudah hi peuhmah lo hi hang. Amaute pen ngeina leh pau leh ham ah ih kinai pih pente ahi uh hi. (Azom pen Zomidaily ah Youtube tawh hoih takin na en ciat un.)
Hih bang hun limci neih theihna ding ahun manpha uh hong pia Pu Gin Kam Lian & Dr. Do Suan Mung te tungah lungdam mahmah hang. Hun limci sung a hong kihel khua makai te, pawlpi sia te leh Zomi akua mahpeuh tungah lungdam mah ungh.
UN Card neite hong kimat ciangin theih ding thu pawlkhat
⦁ Lau ken la, hong cihcih uh mang phot lel in.
⦁ Hong kimatna ahang dong hamtang in.
⦁ Na UN Card lak inla, na UN Numbat gen pah setset in.
⦁ Nang hong man Palikte hihHotline 012 630 5060sak in.
⦁ Hong kimat ciangin UHNCR/na innkuanpihte/na lawmte kiangah anuai a teng theisak pah in:
⦁ Na UN Numbat
⦁ Hong kimatna mun leh
⦁ Hong paipihna Palik zum theisak pah in.
Hong kimat khit ciangin
⦁ Thu hong dong ding uh a, thu hong gensak ding uh hi.
⦁ Na thugen khempeuh kiciamteh dinga, thukhenzum hong puak uleh na thugensa teng mah hong thupi pen ding hi.
⦁ Palikte’n ni 14 tungsiah hong kep nop uleh thukhenmangpa (Magistrate) tung pan phalna a nget masak uh kul hi.
⦁ Nang hong man Palikte’n nang pen hong khah khia kik thei, Thukhenzumpi hong tun thei, Immigration Detention centre ah hong puak thei uh hi cih mangngilh ken.
⦁ Bang bang ahizongin na lu pei ahikei leh na lukuun kha peuhmah kei in. Thu dangpi khat suaksak ziau thei uh hi.
⦁ Hong gen uh thute na tel kei leh kam hong letsak thei ding mi ngen in.
Thukhenzum sungah
⦁ Thukhenzum hong kitun leh UNHCR/na innkuanpih/na lawmte zasak masa hamtang in. Tua te na hopih theih kei lehThukhenmangpa kiangah UNHCR tawh hong kihosak masa in ci hamtang in.
⦁ Nang hong huh thei ding Sitni (Lawyer) ngen in.
⦁ Malay pau na theih kei leh kamphen ngen in.
⦁ Thukhenmangpa (Magistrate) kiangah UNHCR tawh akizom UN mi khat na hihna pulaak in.
⦁ Nang vai (Gentehna in – Innkuan a vaakpi pen na hihna, sumlehpai haksa na sakna, na damlohna cihbang te) khemepuh kician takin Thukhenmangpa zasak in. Amah pen nang hong gum ding pa hi.
⦁ Immigration Act sung pan Section 6 (1) (C) tawh hong mawhmat uh leh khial ingh ci kha vet kei in.
⦁ Thukhenna zum sung na tun ciangin na Case numbat ngen inla, ahitheih leh zum hong tunna thu kigelhna laidal Copy khat nang kep dingin ngen hamtang in.
⦁ A tawpna ah thong hong denna thei ding uh a, ahikei leh sum hong liausak thei ding uh a, ahikei leh saat hong thuak sak thei kha ding uh hi.
⦁ Thu hong kidot ciangin tel a na tel kei zongin, bang thu bang thu hong kidong zongin na lukuun or sing kha het ken maw. Kam hong phensak ding mi ngen hamtang in.
⦁ “UNHCR” cici lel in. Ahihkei leh UNHCR tawh hong kihosak un cici lel in.
A thupi penpen ah “Kuakua na hizongin Malaysia gam sungah na om laiteng Malaysia kumpite thukhun na zahtaak sak ding thupi pen hi. Na paina, na vaakna khempeuh ah na UNHCR Card (Original) pua tangtang in. A meihtuu (copy) pen na muan mahmah mi khat kemsak in.
Theihding: Atung a kimat kihen vai tawh kisai teng UNHCR Detention Hotline pan Zokam tawh ZAM zumpan a kilet khia ahi hi.
Kidawm ciat ni!
Tusung teng Malaysia mun khempeuh phialah lamkhak (roadblock) leh operasi omden pian ahih manin, Zomi te ih hawhna ih ciahna ciatah kidawm in pilvaang ciat ni. Zomi peuhmah a kisam lua ahih kei naak leh vaak loh theih kisin ni.
Tukal Palaai te buaipih diak teng
⦁ Mung Khan Kim (Mauvom) Feb. 2 ni-in Klang zato ah.
⦁ Niang Lam Nem (Lailui) Feb. 5 ni-in ki buaipih.
⦁ Siamah Nem Feb. 2 ni-in IAD ah.
⦁ Hau Khek (Mualpi) Feb. 3 ni-in UN ah.
⦁ Paul Pau (Vangteh) Feb. 3 ni-in ACTS ah.
⦁ Kham Lian Mung (Gamngai) Feb. 3 ni-in ACTS ah
⦁ Kam Lian Mung (Luangel) Feb. 3 ni-in JPN ah.
⦁ Vungboih (Bapi) Feb. 4 ni-in Tong Shin zato ah.
⦁ Neih Thiam (Tungzang) Feb. 4 ni-in IPR ah.
⦁ Do Za Cin (Kapteel) Feb. 11 ni-in JPN vai buaipih.
⦁ Vung Sian Cing (Lailui) Feb. 10 ni-in HUPP ah.
⦁ Thang Muan Mang (Vangteh) Feb. 12 ni-in GHKL ah.
⦁ Sian Nem (Thangnuai) Klang zato ah.
⦁ Man Za Niang (Haupi) Feb. 9 ni-in UN ah.
⦁ UNHCR-OPI ah Feb. 11 ni-in anuai a UN neisa Zomi teng ki report sak thei hi. Hong suakta na om uh ciangin ZAM zumah hong theisak kik hamtang un.
Suan Ki Thang Dal Lian Mang
Nang Deih Piang Khai Neu
Cung Za Mung Lang Sian Ngin
Lang Sian Khai Khual Khan Cin
HELP-UNHCR “Project Self-Help”
UNHCR vaihawm sakna tawh HELP College ah Manglai, An huan dan, IT leh sam bawl dan tuam-tuam manh ngetloh in kisin thei hi.
A kisam teng, siamsin ding nu/pa kum 15-24 kikal hi ding, UNHCR card or laidal pi nei hi ding.
Alunglut a form deih te in ZAM zumpi ah ki kantel thei hi. Form ap ni ding 13 March, 2015.
Lakhui thak
ZING DAI BANGZomi Nam Ni ciang hong kihawm khia ta ding hi. Zomi Laa phuak/sa siam :
Lengtong Pauno (Zomi labupi)
Lianpi (Jubal) | Zo Thang (CCB) | CK Pau (CCB)
Second Voice : Ciin Hau
ZAM pan dahpihna
Buanli khuami, Pa En Za Thang leh Nu Dim Lian Ngai te tapa upen,Tg. Cin Deih Lam(Kum 25) Sektak beh, ZAM-18467, ZSM-00798lamet lohpi in 10-02-2015 ni zan 11:00pm hun pawlin avakna Puchong veng panin deihloh pen sihna tuakin hong nusia cih thu, Banda Putary Balai Police, Puchong panin palik ten ZAM zumpi hong hopihciangin, zumpi panin kidelh pah aa zumvai teng a kibuaipih in 13-02-2015 ni-in Sungau Buloh hamual ah kivui thei hi. Ama hangin adah akap pianna Tunnu leh pianpih sanggam laizom (9) te tawh kibangin zumpi panin ih dahkhawm hi. Topa’n hong hehnep sak ta hen.
Zomi Nam Ni mapan khopna apiasa teng
Khua kipawlna pan:
Biakna pawlpi pan:
CMF 200 EBC-KL 200
Laipian Pawlpi 200 MZCC 200
Sunway Emmanuel 200 MBF 200
ZAC 200 ZEM 200
Zion UPC 200
Mimal a piakhia:
Thang Sian Tuang (Chantagyi) RM100
Zomi ansai te lakpan:
Taung Za Lat RM300 Aung Nan Daw RM500
Anlangh 200
Bapi 100
Buanli 100
Chantagyi 100
Cingpikot 100
Cikha 100
Darkhai 100
Dimlo 100
Dimpi 100
Haupi 100
Heilei 200
Kansauzang100
Kapteel 200
Keltal 100
Laaitui 200
Laibung 100
Lailo 350
Lailui 200
Laangzang 100
Lingthuk 100
Luangel 100
Lunmual 100
Mualbeem 200
Muallum 100
Mualnuam 100
Mualpi 200
Ngalbual 100
Ngalzang 100
Ngennung 100
Pangsak 100
Pangzang 100
Phaiza 200
Phunom 100
Pimpih 100
Saipimual 100
Saizang 200
Sakhankyi 100
Selbung 100
Singgial 100
Singunau 100
Singzung 150
Suanghoih 200
Suangpi 100
Suangsang 100
Taakkhawl 100
Taaklaam 100
Tauleng 200
Teeklui 100
Thalmual 100
Thangkai
Suangpi 200
Thangsan 100
Tualzang 100
Tuidil 100
Tuilangh 100
Tuikhiang 100
Tuimang 100
Tuimui 100
Tuipi 200
Tuitawh 100
Tuithang 200
Tuizang 100
Tungtuang 100
Tungzang 200
Vangteh 200
Vongmual 100
Zampi 100
Zozaang 200
Tedim sum amanlang a kikhak theihna
Malaysia gam Kuala Lumpur khuapi Mydin tawh ki maingat New Eden Ansai (Zomi) ah Zogam khuapi Tedim sum manlang tak a khakna thak om hi. Na khak ni mahin ki thohthei pah hi. Kizopna ding:
Pa Khup 011-3343 303, Sia Nialpi 014 734 0661
Lungdamkohna
⦁ New Eden Ansai (KL) innkuan in ZAM nasepna panpihna in RM200 hong pia ahih manin ki lungdam mahmah hi.
⦁ Khai Sian Muang (Phaileng) in palaai te buaipihna tawh lockup pan a suahtak lung-damkohna in RM50 hong pia in etteh huai mahmah hi.
⦁ Tg. Cin Tung Nung (Laizom Nungpii-Samte, Tuithang) tukal Thupuak ading RM100 hong pia ahih manin ki lungdam mahmah hi.
⦁ Zing Dai Bang lakhui thak suahsak man lungdam kohna RM50 hong pia uh hi.
⦁ Gamsung gampua pan ZAM nasepna te tha na piak nopleh lungdamtak in hongkisang ding hi.
Photo leh List te aki cianzaw in PDF file tawhzong na simsak unmaw.
Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email: [email protected]
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.
Note :: PDF tawh na simnop leh
Hih LINK tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Comment piaknop aomleh...